Advertisements

Proseso di Transishon di Hòspital Nobo ta unu kompleho

Proseso di Transishon di Hòspital Nobo ta unu kompleho

WILLEMSTAD – E proseso di transishon di un hòspital nobo ta un hopi kompleho i ku mester  manehá di forma diligente. Pasobra den un hòspital ta trata di bida di hende, asina direktor di transishon drs. ing. Gilbert Martina MBA a duna di konosé djaluna atardi. Aunke ku e proseso di transishon a keda pará pa SONA-Berenschot na 2016 i dor di esei a sufri retraso, ta hasiendo lo máksimo pa alkansá un nivel responsabel di transishon den próksimo lunanan. Segun Gilbert Martina, direktor di HNO Transitie en Explotatie, tin hopi preparashon ta tuma lugá simultaneamente. Pa loke ta trata e parti di rekurso humano, personal di Sehos ta sigiendo kurso pa traha ku entre otro sistemanan digitalisá. Pronto lo start un proseso pa prepará e personal pa Kambio i aspektonan di liderato. E siman aki den House of Change na Colon un parti di personal ta den kurso relashoná ku e sistema nobo Hospital Information Exchange.

Resientemente a firma Sociaal Statuut ku sindikato CBV den kua a palabrá e reglanan di wega  kon e traspaso di personal di Sehos ku ta bai traha den Curacao Medical Center lo tuma lugá. E personal e keda informá durante seis seshon durante tres dia. Pa mas tardá 21 di òktober próksimo tur personal di Sehos lo risibí un karta ku informashon tokante nan funkshon den Curaçao Medical Center na momentu ku esaki bira operashonal durante 2019. Pa loke ta trata asuntunan di teknologia di informashon i komunikashon, senor Gilbert Martina a indiká ku ya kaba a tuma kuater ‘functionieel applicatie beheerders’ den servisio, mientras ahinda tin 6 vakatura. E ‘servers’ i tambe ‘software’ pa train kune ya ta instalá i operashonal na UTS Blue Nap na Mahuma.

Demas proyektonan di transishon, manera struktura di organisashon, modelo di maneho di HNO ta kla. E promé shete rutanan di kuido di e modelo di kuido ta finalisá. E modelo finansiero i tambe presupuesto pa terminá e proyekto i kuminsá operá ta kla. Den luna di ougustus a firma un akuerdo ku Erasmus Medisch Centrum di Rotterdam ku ta dispuesto di kompartí nan konosementu di  nan transishon resien ku HNO i Kòrsou. Segun Martina tur loke tin di haber ku transishon ta kanando riba un “full swing”, i lo kontinuá tambe despues ku Curaçao Medical Center habri su portanan pa risibí su klientenan.

 

Advertisements
error: Content is protected !!
%d bloggers like this: