Advertisements

Ministerio SOAW i Ministerio di Salubridat konhuntamente a presta atenshon na nos grandinan riba nan dia internashonal

Ministerio SOAW i Ministerio di Salubridat konhuntamente a presta atenshon na nos grandinan riba nan dia internashonal

 

Riba Dia Internashonal di Hende Grandi, Ministerionan di SOAW i GMN a bai Huize Meerzorg pa duna atenshon na e habitantenan di edat i na e mes momentu hasi donashon na e kas di kuido aki ku materialnan pa uso diario. Presente tabata Presidente i tambe Direktor di e kas di kuido. Ministernan sr. Hensley Koeiman i sra. Suzy Camelia – Römer a kòmbersá ku e habitantenan i a probechá pa haña un rekorido den e kas di kuido aki. Finalmente, Minister Hensley Koeiman i tambe Minister Suzy Camelia – Römer a sorprendé sra. Geselle Rosaria – Coffi ku un regalo súmamente presioso komo gradisimentu na su persona pa a motivá hinter nos komunidat riba e importansia pa duna atenshon i balorá hende grandi. Sra. Rosaria – Coffi na su turno a bisa ku pa e, ningun plaka di mundu por surpasá un digno rekonosimentu i pa su persona, e rekonosimentu aki ta di gran balor, biniendo for di e esnan na kabes ku ta responsabel pa e gremio di hende grandi ku ta nétamente Ministerio di SOAW (st. Koeiman) i Salubridat (sra. Camelia – Römer). Sra. Rosaria – Coffi ta sigui komprometé su mes pa sigui traha na bienestar general pa nos grandinan, enfatisando ku e norma i balor “respèt pa hende grandi” tin ku bin bèk, manera ántes tabata e kaso. Finalmente, sra. Rosaria – Coffi ta mustra ku e no por pone den palabra kon agradesido e ta na tantu sr. Hensley Koeiman i sra. Suzy Camelia – Römer ku ta 2 tanki di persona ku tur dia ta trahando duru tras di kòrtina pa sigui logra mas pa komunidat di Kòrsou, kada un riba nan tereno.  

.

.

.

Advertisements
error: Content is protected !!
%d bloggers like this: