Advertisements

Kòrsou ta dushi, ku hende nan amabel,  violensia no ta nos norma…

Kòrsou ta dushi, ku hende nan amabel,  violensia no ta nos norma…

 

Dia 1 di òktober mundu kompleto ta selebrá e dia di NO Violensia. Un dia ku ta para ketu riba pas, toleransia i komprendementu mutuo.

Komo sosiedat nos ta wòrdu bombardiá ku informashon, imágen, kasonan di violensia, tantu lokal komo internashonal. Ora nos tende òf mira susesonan a konsekuensia di violensia e reakshon hopi biaha ta fuerte, pero kuantu tempu esaki ta dura promé nos lubidá?.  Nos tin empatia pa e víktima, pero kuantu di nos ta tuma akshon?.

Muchanan yòn ta bebe remedi pa kontrolá agresividat. Adulto nan mayó ta evitá di sali kas dor di miedu pa wòrdu agredí. Mas i mas kasonan di violensia den relashon ta keda registrá. Dia internashonal di No Violensia, mester ta un dia ku nos kada unu ta reflehá riba kon komo Pais nos ta bai minimalisá violensia. Violensia ta afektá kada un di nos, den nos famia, nos relashonnan sosial, nos lidernan, nos ekonomia i nos Pais.

‘Nos no por permití ku violensia ta bira algun komun. Nos ta un dushi pais, ku hende nan amabel, mas i mas nos tin ku di bisa esaki tambe. Violensia no ta akseptabel den nos relashon ku otro’, esaki segun lider di frakshon di PAR sra. Pauletta.

Ana -Maria Pauletta

Lider di Frakshon

Advertisements
error: Content is protected !!
%d bloggers like this: