Advertisements

Kon salu nos grandinan ta?

Kon salu nos grandinan ta?

 

Ayera nos a selebrá i para ketu na dia di nos Penshonadonan I Adulto mayó. Unda ku hopi rèspèt i atmirashon Frakshon di MAN ta para ketu riba e dia aki. Banda di selebrá e dia aki ta importante pa para ketu kon por yuda un grupo grandi ku solamente ta kobra penshun behes (AOV) ku no ta sufisiente pa nan biba un bida trankil i digno na e edat respetá aki. Den kuadro di esaki Frakshon di MAN a entrega e inisiativa di kambio di lei di indeksashon di penshun behes (AOV) pa e por wòrdu indeksá anualmente mara na kosto di bida i tambe e lei di penshun general. Segun investigashonnan ku a keda hasi resientemente ta netamente e grupo aki ku ta kobra solamente AOV ta e grupo di mas grandi ku ta kai bou di “bestaansminimum”.

 

Den pasado Minister sr.H Koeiman a introdusí asina yama Marshe di Pueblo kaminda na preisnan redusí e penshonadonan por a hasi kompra di nan nesesidat alimentisio básiko na un bon preis redusí ku tabata un éksito rotundo. Mirando e desaroyo aki ariba menshoná. Frakshon di MAN ta di opinion ku mester re-introdusí e Marshe di Pueblo aki pa e grupo aki, pa asina nan por biba un manera digno nan e edat respetá ku ta den aktualmente.

 

Den kuadro di esaki Parlamentario Mc William a hasi Minister di Desaroyo Sosial, Labor i Bienestar sr.H. Koeiman e siguiente preguntanan:

 

  1. Minister di SAOW por indiká mi kiko tabata e motibunan ku no a kontinuá ku e merkado popular aki?

 

  1. Minister di SAOW ta di mesun pensamentu ku mester ta posibel ku nos por re introdusí Marshe di Pueblo bek esaki den e diferente barionan?

 

  1. Pa loke ta trata pa nan por kome i biba salu tur data un reto mirando ku preinan di kuminda tur dia ta bira mas karu?

 

 

Mientrastantu kosto di bida ta sigui subi i e grupo aki ta esun ku ta konfrontá nan mes diariamente ku e 1 florin di “receptenregeling” ku ta rebultá un peso mas riba nan finansa i nan salú. Hopi biaha botikarionan ta konfrontá ku e echo ku penshonadonan /adultonan mayó ku ta kobra solamente AOV no ta tuma tur resèptnan òf no por tuma esaki esaki pasombra simplemente nan no tin e florinnan pa paga  esaki. Esaki ta resultá ku nan “compliance” di remedi ta baha i ku konsekuensia fatal pa nan salú i ku e resultado di gastunan haltu pa nos sistema di salubridat. Resientemente mi a tuma nota ku SVB tabatin un “overschot” i tambe e plan di Minister di Salubridat i Medio Ambiente sra.Camelia Romer pa redusí gastunan den diferente sektor i asina tin mas fondo pa esunnan mas den nesesidat. Mientrastantu kosto di bida ta sigui subi ku komo konsekuensia ta bira kasi imposibel pa hasi kompra na supermerkado ku pa por kome salú ta kasi imposibel.

 

Relashona ku e esaki Parlamentario Mc Willaim a hasi pregunta Minister di Salubridat Públiko, Medio Ambiente i Naturalesa. sra.Camelia-Römer:

  1. Minister di Salubridat i Medio Ambiente ta di akuerdo ku e grupo di penshonadonan aki ku

ta kobra solamente AOV ta un grupo vulnerabel?

 

  1. Ta posibel den kuadro di e plan di Minister di Salubridat i Medio Ambiente pa redusí gastunan den algun sektor den Salubridat i asina krea fondo pa esunnan ku mas mester,e

grupo aki por bini na remarke pa haña dispensashon di 1 florin di “receptenregeling”?

Advertisements
error: Content is protected !!
%d bloggers like this: