Advertisements

Hòspital Nobo lo karga e nòmber Curaçao Medical Center

Hòspital Nobo lo karga e nòmber Curaçao Medical Center

WILLEMSTAD – Curaçao Medical Center lo ta nòmber di Kòrsou su hòspital nobo na momento ku esaki bira operashonal durante 2019. Asina direktor di transishon drs. Ing. Gilbert Martina MBA a duna di konosé djaluna 1 di òktober. Segun Martina, Curaçao Medical Center ta indiká den un fregá di wowo ku ta trata aki di un instituto médiko. Ademas e ta reflehá mesora ku ta trata di un sentro di kuido sekundario i alavez enfatisá e nòmber “Curaçao” komo marka. Esaki mester duna nos un sentido di orguyo ku ta “Di Nos e Ta”. Tambe Curaçao Medical Center ta zona fasil i kasi igual den diferente idioma manera Papiamentu, Ingles, Ulandes i Spaño. Ademas e ta un nòmber duradero ku no a keda usá den pasado, pues no por tin bruashon. Martina a duna di konosé ya kaba a registra tantu e nòmber Curaçao Medical Center na Ofisina di Registro di Propiedat Intelektual i tambe e URL: www.cmc.cw 

Igual na nòmber di University of Curaçao ku tin mara na dje Mr. Dr. Moises F. Da Costa Gomez, ta keda e opshon ku por agregá nòmber di un persona mas despues na e “Curaçao Medical Center” si tin e deseo ei. E motibu dikon no a hasi esaki mesora tin 2 motibu prinsipal. Martina: “Unu, mester a bini ku nòmber ku mester a keda integrá den e sistema digital pa kua e fecha tabata den luna di sèptémber último. Dos, na momentu ku ta determiná un nòmber i ke mara esaki di forma durdero na Kòrsou su úniko instituto médiko general, esaki mester ta un proseso ku mester kana ku e koutela nesesario i di forma partisipativo.

Pa loke ta trata e logo di Curaçao Medical Center esaki ta reflehá ku e kliente / pashènt ta pará sentral den Kòrsou su úniko hòspital general. E logo ta unu koherente, kolorido, inovativo, moderno i ku ta reflehá e kuido integrá di e diferente disiplinanan den e hòspital. Ademas ku e kuido ta unu kontinuo i transparente . Ademas e logo ta radia un sentro di kuido di kalidat haltu. Por bisa ku a kana u proseso durante kua representantenan di gerensia di HNO i St. Elizabeth Hospitaal, e Konseho di Pashènt resien instalá, representantenan di direktiva di sindikato CBV, Buro di Speshalistanan, Konseho di Personal di Kuido i partisipá eskoho di tantu e nòmber i e logo di hòspital nobo. Konseho di Minister di Kòrsou  a keda informa over di tantu e  nòmber i e logo  resientemente .

 

.

.

.

.

.

.

.

.

.

.

.

.

.

.

.

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: