Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Ahedresista Blijstra den forma

Ahedresista Blijstra den forma

 

Wim Blijstra ayera, djaluna 1 di oktober 2018, a gana su di kuater partido durante Olimpiada di Ahedres na Batumi, Georgia. E ahedresista na promé tablero di Kòrsou ta ainda invikto ku 5 punto for di 6 wega. Su tim a empatá 2-2 ku Bermuda. E ekipo femenino sí a pèrdè ku skor di 3,5-0,5 dje fuerte tim di Nicaragua.

Despues di un tremendo triunfo den di sinku buelt djabièrnè siguí ku un djasabra liber, e tim maskulino djadumingu a pèrdè pèrtá djadumingu pa seguidamente tabla ayera ku Bermuda.

Blijstra den di shete buelta dje di 43 edishon di Olimpiada di Ahedres a gana su di kuater partido, miéntras ku ela tabla dos biaha tambe anteriormente. E ta pues invikto den seis buelta, komo ku e no a hunga e promé buelta.

Primeramente Blijstra, hungando ku pretu den di seis buelta djadumingu, a gana di Carlos Reyes Najera di Guatemala. Den di shete buelta ayera djaluna ela triunfá riba Richard Black di Bermuda. Anteriormente ela gana den di dos i terser buelta, miéntras ku ela empatá (remise) den di kuater i sinku buelta.

Ursus van Bemmelen ku ta hunga na tablero number 2 pa Kòrsou, ayera e pèrdè ku pretu kontra Serguei Gontcharov. Jimmy Izijk hungando ku blanku a tabla ku Sami Lill, miéntras ku e talentoso hóben David Pietersz tambe a logra un remise ku Don Dacres. Esaki a pone ku e seri entre Kòrsou i Bermuda a tèrminá empatá: 2-2.

Kontrali na e tim maskulino, e ekipo femenino sí a pèrdè kontra e fuerte selekshon di Nicaragua: 3,5-0,5. Ailèn Mena a registrá e úniko tabla (remise) di Kòrsou. Ela logra esaki na e promé tablero ku pretu kontra Johana Leon Sandival. Awor Mena tin 3,5 punto for di 7 partido: 1 viktoria, 5 remise i 1 derota.

Marianaa Sanchez na di dos tablero i hungando ku blanku a pèrdè kontra di Joanie Ellen Narvaez Talavera. Arzy Zahia Salim-Moussa ku pretu na di tres tablero a sufri un derota na man di Patricia Alvarez Gutierrez. Finalmente Seydi Salim-Moussa ku blanku tambe a pèrdè kontra di Maria Jose Granados.

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: