Advertisements

Ministerio GMN ta publiká resultadonan midimentu kalidat di airu   

Ministerio GMN ta publiká resultadonan midimentu kalidat di airu    



Willemstad –  Manera tur aña Ministerio di Salú, Medio Ambiente i Naturalesa ta publiká resultadonan di midimentu di kalidat di airu di e dos stashonnan ku ta midi kalidat di airu kual ta Beth Chaim i Kas Chikitu i último dos añanan ta publiká tambe resultado di e stashon na Julianadorp. E stashon na Beth Chaim ta ubiká nèt banda di e antiguo santana hudiu nèt pabou di plantanan di refineria Isla i e stashon na Kas Chikitu ta ubiká den bario riba tereno di Sentro Médiko Kas Chikitu. Esun na Julianadorp ta ubiká riba tereno di e skol Vespucci College. Tur tres stashon ta midi emishon ku ta bini for di tereno industrial di Schottegat kaminda tin Refineria Isla, CRU, Aqualectra i moveshonnan marítimo den DOK ademas emishon kousá pa tráfiko di outo.

Tur tres stashon ta midi Zwavel (SO2) i partíkula/ stòf fini (TSP i PM10). E stashon na Kas Chikitu ta di sumo importansha komo esaki ta den bario i p’esei ta midi mas komponente manera H2S (Sulfuro di Hidrógeno) i metal. Lokual ta importante di e resultadonan di 2017 ta ku por mira for di resultadonan na Kas Chikitu i Julianadorp ku kompanianan den schottegat huntu no a surpasá e máksimo permití di 80 μg (mikrogram) di SO2 preskribí den Attachment F. Den e gráfiko por mira tambe ku no tabatin dianan ku a midi mas ku 365 μg di SO2. Otro parameter signifikante ta PM10 kual ta partíkulanan mas chikitu ku 10 μm (mikrometer) ku por keda inhalá. Riba e gráfiko por mira ku na Kas Chikitu a midi un promedio di 39 μg den 2017 kual ta mas abou ku e norma Europeo di 40 μg. Nos por mira sí ku en total 58 dia a midi mas ku 50 μg kual a surpasá e norma Europeo di 35 dia. Pero esaki no nesesariamente ta relashoná ku e área industrial pasobra ta nèt e dianan ku tabatin manifestashon di santu di Sahara nos por a mira sifranan haltu di PM10. P’esei por mira tambe ku na Julianadorp a registrá 22 dia ku a midi mas ku 50 μg PM10.

For di 2010 Ministerio di GMN tin un koperashon estrecho ku GGD Amsterdam ku ta kordiná mantenshon di e stashonnan ku ta midi kalidat di airu i ta produsí resultadonan tur aña ku ta keda publiká riba e wèpsait www.luchtmetingencuracao.org. Ministerio di su parti tambe ta keda hasi ehersisionan pa sigui mehorá kalidat di airu pabou di tereno industrial di Schottegat. Intenshon ta entre otro pa revisá pèrmit di tur e kompanianan den área industrial di Schottegat ku e meta pa redusí e máksimo di supstanshanan ku kada unu por emití. Lo bai midi na chimeneanan di e diferente kompanianan pa sa eksaktamente sorto di supstansha i kuantu di esakinan kada kompania ta emití. Tambe ta studiando posibilidat pa hasi uzo di otro tipo di kombustibel por ehèmpel gas, ku e meta pa minimalisá mas tantu posibel emishon di SO2 i partíkula. E último aki ta aspekto importante den negosashonnan pa yega na un partner nobo pa manehá nos refineria.
Pa mas informashon por tuma kontakto ku Ministerio di Salú, Medio Ambiente i Naturalesa riba number di telefòn 432 5800.

Riba e gráfiko por mira ubikashon di e 2 stashonnan pa midi kalidat di airu. E punto koló hel na man drechi ta Beth Chaim ku ta ubiká nèt pabou di plantanan di Isla i e punto hel na man robes ta e sitio den bario kaminda i stashon di Kas Chikitu ta ubiká.

Riba e gráfiko por mira resultado di midimentu di kalidat di airu den bario na Kas Chikitu. Sifranan di konsentrashonnan ta den μg/m³ (Mikrogram pa meter kúbiko). Metalnan i BaP (Benzo(a) Pyreen ku ta un tipo di hidrokarburo) ta den ng/m³ (Nanogram pa meter kúbiko).

Stof Eenheid EU Att.F 2010 2011 2012 2013 2014 2015 2016 2017
SO2 Gem.[jaar] 80 34 48 55 96 122 122 85 59
SO2 Aantal uurgem.>350 24 0 47 41 337 559 664 178 63
SO2 Aantal daggem.>125 3 1 24 39 100 151 151 80 25
SO2 Max.[dag] 365 174 205 269 292 341 408 254 315
SO2 Aantal daggem.>365 1 0 0 0 0 0 1 0 0
PM10 Gem.[jaar] 40 40 37 40 41 38 43 40 39
PM10 Aantal daggem.>50 35 35 43 75 75 65 87 52 58
H2S Gem.[jaar]   3 3 5 7 5 6 6 4
Benzeen Gem.[jaar] (steekproeven) 5       20 6 3 3 6
Lood Gem.[jaar] 500 1500             3,8 4,4
Nikkel Gem.[jaar] 20             36 37,2
Vanadium Gem.[jaar]             196 176
Chroom Gem.[jaar]             5,0 6,6
B(a)P Gem.[jaar] 1             0,068 0,058

Riba e gráfiko por resultado di midimentu di kalidat di airu den bario na Julianadorp. Sifranan di konsentrashonnan ta den μg/m³. Metalnan i BaP (Benzo(a) pyreen ku ta un tipo di hidrokarburo) ta den ng/m³.

Stof Eenheid EU Att.F 2010 2011 2012 2013 2014 2015 2016* 2017
SO2 Gem.[jaar] 80             4 2
SO2 Aantal uurgem.>350 24             2 1
SO2 Aantal daggem.>125 3             0 0
SO2 Max.[dag] 365             27 43
SO2 Aantal daggem.>365 1             0 0
PM10 Gem.[jaar] 40             26 26
PM10 Aantal daggem.>50 35             2 22
PM2.5 Gem.[jaar] 25             15 12
Benzeen Gem.[jaar] (steekproeven) 5             0,3 0,4
Lood Gem.[jaar] 500 1500             1,3 1,1
Nikkel Gem.[jaar] 20             5,2 3,9
Vanadium Gem.[jaar]             21 14,2
Chroom Gem.[jaar]             4,2 5,9
B(a)P Gem.[jaar] (steekproeven) 1             0,012  


Riba e gráfiko por mira resultado di midimentu di kalidat di airu banda di tereno di Isla na Beth Chaim. Sifranan di konsentrashonnan ta den μg/m³.

Stof Eenheid EU Att.F 2010 2011 2012 2013 2014 2015 2016 2017
SO2 Gem.[jaar] 80 34 64 62 152 170 225 153 137
SO2 Aantal uurgem.>350 24 5 114 112 847 995 2077 843 886
SO2 Aantal daggem.>125 3 3 52 29 236 243 305 225 153
SO2 Max.[dag] 174 306 427 402 421 600 706 604
SO2 Aantal daggem.>365 1 0 0 2 1 5 39 3 19
TSP Gem.[jaar] 75 42 46 46 49 56 65 57 46
TSP Aantal daggem.> 150 18 0 0 0 0 0 9 2 4
Benzeen Gem.[jaar] (steekproeven) 5       53 34      

                                                                        ###

 

Advertisements
error: Content is protected !!
%d bloggers like this: