Advertisements

KOMUNIKADO DI KUERPO POLISIAL KÒRSOU Detenshon i konfiskashon en konekshon ku lei di opio.

KOMUNIKADO DI KUERPO POLISIAL KÒRSOU

404 / 2018

29 sèptèmber 2018

Detenshon i konfiskashon en konekshon ku lei di opio.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 29 di sèptèmber 2018, alrededor di 02.36’or mardugá, Sentral di polis a risibí yamada di algun hòmber ku tabata stroba e trankilidat den e besindario ei.
A dirigí unidat polisial na e sitio i einan a bin topa dos vehíkulo i algun hòmber den besindario di e outonan.
Durante di kontrol den e outonan a bin topa den un di nan dos kashi di bala i riba baul di e otro outo tabatin un kantidat limitá di mariwana ku a keda konfiská. E vehíkulonan tambe a keda konfiská.
Mesora a detené e hòmbernan:
 A.T.A.B. di 18 aña di edat;
 R.G.E. di 20 aña di edat;
 J.D.O. di 22 aña di edat, tur nase na Kòrsou;
Kontinuando ku e investigashon, polis a tene un entrada hudisial na un kas den Kaya Talco i den un di e kambernan a bin topa un kantidat di 580 gram di extacy ku a keda konfiská.
A detené e hòmber E.E.D. di 22 aña di edat nase na Kòrsou en konekshon ku lei di opio i a present’é dilanti di un fiskal ouksiliar ku a ordená su enkarselamentu pendiente di mas investigashon.
E tres hòmbernan promé ariba menshoná, despues di a keda presentá dilanti di un fiskal ouksiliar i risibí un prosèsverbal, a keda lagá den libertat.

Advertisements
error: Content is protected !!
%d bloggers like this: