Advertisements

Pronóstiko di tempu pa Kòrsou i bisindario bálido te djadumingu mainta 06:00 o.l, 30 di sèptèmber 2018.

Pronóstiko

Pronóstiko di tempu pa Kòrsou i bisindario bálido te djadumingu mainta 06:00 o.l, 30 di sèptèmber 2018.
Kompilá: 
djasabra 29 di sèptèmber 2018, 05:00 o.l. (09:00 UTC)

KODIGO HEL: PREKOUSHON PA LAMAN BRUTU

Tempu: Por lo general parsialmente nublá ku lokalmente un òf mas áwaseru awe mainta i mèrdia trempan i atrobe espesialmente durante di mañan mardugá. Bos por zona na un par di kaminda. Atardi i anochi trempan wer lo ta seku kasi tur kaminda

Temperatura máksimo lo alkansá 33 ºC i temperatura mínimo 25 ºC.
Solo ta sali 06:25 i ta baha 18:27 o.l.

Bientu: For di un direkshon entre di nortost i sùitost i de bes en kuando for di direkshon variá tambe. E fluho lo ta suak te moderá; forsa 2 te 4 (7 te 30 km/ora, 4 te 16 nudo). Prinsipalmente den áwaseru, de bes en kuando basta fuerte den ráfaga: forsa 5 (31 te 39 km/ora, 17 te 21 nudo).

Situashon general: Loke a sobra di Tormenta Tropikal Kirk tabata situá awe mardugá ketu bai riba parti oriental di Laman Karibe i ta move den direkshon wèst. Espesialmente djadumingu e sistema aki, ku awor ta un ola tropikal, lo generá de bes en kuando algun nubia riba nos region. Lokalmente lo kai algun áwaseru, miéntras ku bos tambe lo zona na un par di kaminda. Mas aleu, awe tambe ainda nos bientu lo ta basta suak i por varia di direkshon na sierto momentu. E kombinashon di bientu suak ku aire kalor i húmedo lo resultá den un kalor sofokante durante di awe tambe ainda.

Kondishon di laman: Trankil te moderá ku altura di ola entre di 0.5 i 1.5 meter (2 pa 5 pia). No opstante esaki, ta antisipá un resake basta fuerte for di direkshon nortost mas lat awe i esei lo kondusí na un kondishon di laman mas brutu, prinsipalmente na nos kostanan. Pa e motibu ei awe mainta nos ta emití un boletin di prekoushon (Kódigo Hel) pa laman brutu..

Sistemanan signifikante di wer tropikal: Tormenta Tropikal Kirk a sigui debilitá i awor ta un ola tropikal. Pa e motibu ei lo no hasi menshon di dje mas den e boletin aki. Tormenta Subtropikal Leslie tabata ubiká awe mardugá riba parti sentral di Osean Atlántiko Nort. E sistema aki no ta un menasa pa Kòrsou.

Fenómeno spesial: Ningun.

Pèrspektiva te djaluna mainta: Parsialmente te hopi nublá ku lokalmente algun áwaseru, miéntras bos tambe por zona na algun lugá. Un tiki mas bientu.

Meteorólogo: Capello.

 

.

. .

.

.

. .

.

Advertisements
error: Content is protected !!
%d bloggers like this: