Advertisements

Riba World Maritime Day:  Outoridat Marítimo di Kòrsou a lansa su website renobá www.maritimecuracao.org

Riba World Maritime Day:  Outoridat Marítimo di Kòrsou a lansa su website renobá www.maritimecuracao.org

 

Willemstad – Outoridat Marítimo di Kòrsou (MAC) a lansa su website renobá www.maritimecuracao.org riba 27 di sèptèmber 2018. Riba e website aki, bishitantenan por risibí tur informashon di e historia i tareanan di e organisashon, servisionan ku MAC ta duna na e sektor, notisia i aktividatnan, preguntanan frekuente, i hopi mas. Bishita e website aki i keda bon informá!

Di 24 pa 27 di sèptèmber 2018, Kòrsou i otro paisnan rònt mundu ta selebrá e siman Internashonal di Mundu Marítimo. Esaki ta kulminá riba Dia Internashonal di Mundu Marítimo, esta e djaweps 27 di sèptèmber. Tur aña e Organisashon Internashonal Marítimo (IMO) ta selebrá Dia Internashonal Marítimo ‘(International Maritime Day). Kada aña IMO ta para ketu na un otro tópiko di importansia pa e mundu marítimo. E tópiko di e aña aki ta “IMO 70: Our Heritage – Better Shipping for a Better Future”.  IMO ta para ketu riba 70 aña di eksistensia di e organisashon kual ta un bon oportunidat pa evaluá pasado i prepará pa futuro.

MAC a skohe e fecha di 27 di sèptèmber pa lansa su website renobá komo parti di e selebrashon di e dia importante aki. Minister Jesus-Leito ta satisfecho ku un logro positivo pa e organisashon aki.

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: