Advertisements

Ofisina di Turismo di Kòrsou Ta Lansa Kampaña Nobo di Branding Internashonal ‘Sintié pa Bo Mes’

Ofisina di Turismo di Kòrsou Ta Lansa Kampaña Nobo di Branding Internashonal

‘Sintié pa Bo Mes’

 

WILLEMSTAD –27 di sèptèmber 2018 – E luna akí, Ofisina di Turismo di Kòrsou (CTB) lo lansa su kampaña nobo di branding internashonal ku e slogan, ‘Sintié pa Bo Mes.’ E kampaña ta hala atenshon na nos isla su historia riku, su outentisidat i e variedat úniko di sitio i aktividat ku ta duna kada bishitante e libertat pa eksplorá Kòrsou manera e ta deseá. E avisonan nobo ta sumamente yamativo, inspirá pa Kòrsou su estétika vibrante. E idea ta di suprayá ku Kòrsou no ta manera e otro islanan di region, i asina hala atenshon riba Kòrsou.

Kòrsou su esfera outéntiko, su arkitektura ku influensia europeo i su playanan íntimo ta atraé un gran variedat di biahero, sea ku nan ta di e tipo mas aventurero, esun ku ta bin pa disfrutá na playa òf e afisionado di historia. ‘Curaçao. Feel It For Yourself,’ (Kòrsou, sintié pa bo mes) e slogan original ku CTB a traha riba dje durante e último dos añanan, ta karga e idiologia akí i ta animá biaheronan di tur orígen, rasa i seksualidat pa eksperensiá Kòrsou manera nan ta deseá.

Pa desaroyá un kampaña internashonal di branding spesífiko, CTB i Catch New York, ku ta CTB su empresa publisitario basá na New York, a hasi estudio ekstenso di merkado ku grupo di enfoke, entrevista ku eksperto i enkuesta kualitativo direkto ku konsumidó rònt mundu. Tur region a keda inkluí. E tim a biaha bai Alemania, Hulanda, Canada, Brazil i Colombia i a papia ku spesialista di industria di aerolínea, tour operator, manager di e diferente regionnan, representante di hotèl i hende komun. Ora a analisá e kontestanan i visualisá esakinan riba un gráfiko ku ta mustra kon e diferente temanan di biahe karibense ta keda persibí, e idea di ‘sinti bo liber’ ta unu ku tabata fuerte den tur e merkadonan analisá.

Kòrsou ta konsistí di un fushon di 55 diferente nashonalidat i hendenan lokal ku ta papia kuater idioma. Un i tur ta bon biní i esei a pone nos isla chikitu riba mapa, komo un di e destinashonnan den Karibe kaminda tur hende ta sinti nan aseptá, partikularmente turistanan LGBT.

E tema di sinti bo liber – liber di tur preokupashon i tambe di prehuisio – a duna lus na e slogan ‘Feel It For Yourself’, ‘Sintié pa Bo Mes’. Komo ku tin diferente manera pa eksperensiá Kòrsou, kada turista por namorá di e isla i di e esfera outéntiko i inolvidabel na nan manera.

Pa ta diferente for di e material kasi idéntiko ku konsumidónan a kustumbrá di mira di e otro destinashonnan den Karibe, kaminda semper ta koló blou ta dominá, CTB a lansa un serie di imágen vibrante ku ta asta mas kolorido ku e edifisionan den sentro di siudat. Riba un di e avisonan tin e slogan ‘Feel It For Yourself’ (‘Sintié pa bo mes’) i riba un otro ‘Feel It In Your Soul’ (‘Sintié te den bo alma’).

‘Por fin a yega ora pa revelá e kampaña di branding nobo, un kampaña ku ta un refleho perfekto di Kòrsou su zjeitu i outentisidat,’ segun Hugo Clarinda, Direktor Interino di CTB. ‘E imágennan ta transmití e energia vibrante di Kòrsou i e slogan ta ilustrá ku Kòrsou ta un nashon pa un i tur.’

E kampaña nobo di branding internashonal lo keda lansá na Hulanda, Alemania, Bélgika, Colombia, Brazil, Venezuela, Ecuador, Karibe, Canada, Estados Unidos partikularmente na New York, Miami, Charlotte i den e merkadonan ku konekshon aéreo direkto

 

==========================

 

Curaçao Tourist Board Launches New Global Branding Campaign

 “Feel it For Yourself”

 

WILLEMSTAD – September 27, 2018 – This month, the Curaçao Tourist Board will roll out its new global branding campaign, “Feel It For Yourself,” which highlights the destination’s rich history, authenticity and unique range of sights and activities that leave visitors free to explore the island on their own terms. Drawing inspiration from the island’s vibrant aesthetic, the new elements are intended to differentiate Curaçao from the rest of the region and make a splash in the market.

With its authentic spirit, European-inspired architecture, and cove-like beaches, Curaçao appeals to an array of travelers, from the adventurer to the beach bum to the history buff. “Curaçao. Feel It For Yourself,” a signature tagline almost two years in the making, embodies this ideal and encourages travelers of all backgrounds, races and sexualities, to tailor their Curaçao experience as they desire.

With a view toward developing a specific, targeted global branding campaign, the Curaçao Tourist Board and its New York-based advertising firm, Catch New York, executed time-intensive market research, including focus groups, expert interviews and first-hand qualitative surveys with consumers across the world. Leaving no region untouched, the team traveled to Germany, the Netherlands, Canada, Brazil and Colombia, meeting with airline specialists, tour operators, country managers, hotel reps and everyday people. Having analyzed and plotted the responses on a perceptual map of Caribbean travel themes, the idea of “feeling free” remained consistent across all markets.

At its core, Curaçao is a fusion of 55 different nationalities and locals who typically speak four languages. Everyone is welcome, which has put the tiny island on the map as one of the most accepting destinations in the Caribbean, especially among LGBT travelers.

Taking the theme of feeling free – free of all worries, free of judgment – “Feel It For Yourself” was born. As there is simply no right way to experience Curaçao, every traveler can make the island their own while embracing its authentic, unforgettable spirit.

Seeking to differentiate its ads from the blue-dominated “sea of sameness” consumers have grown accustomed to seeing from Caribbean destinations, the tourist board is launching an array of vibrant displays even more colorful than its iconic buildings in downtown Willemstad. One of the ads includes the tagline ‘Feel It For Yourself’ and another one ‘Feel It In Your Soul’.

“The time is finally here to unveil Curaçao’s new branding campaign, which perfectly exemplifies Curaçao’s lively, authentic personality,” says Hugo Clarinda, Deputy Director of the Curaçao Tourist Board. “Not only do the visuals speak to Curaçao’s energy, but the catchphrase hopefully conveys that Curaçao is a nation for all.”

The new global branding campaign will be introduced in The Netherlands, Germany, Belgium, Colombia, Brazil, Venezuela, Ecuador, the Caribbean, Canada, and in the United States, specifically New York, Miami and Charlotte, or markets with direct airlift.

 

 

Advertisements
error: Content is protected !!
%d bloggers like this: