Advertisements

NO TIN NINGUN RASON PA DUDA DEN KALIDAT DI NOS AWA, AQUALECTRA TA GARANTISA KALIDAT DI AWA

KOMUNIKADO DI PRENSA

Aqualectra Utility

NO TIN NINGUN RASON PA DUDA DEN KALIDAT DI NOS AWA, AQUALECTRA TA GARANTISA KALIDAT DI AWA

Aqualectra a tuma nota di un mensahe ku ta sirkulando riba media sosial ku ta kousando hopi reakshon i preokupashon serka esnan ku a les’é i alabes por trese inkietut den nos komunidat pa loke ta estado di nos ret di awa i tambe e kalidat di awa. Aqualectra ta garantisá ku no tin ningun rason pa duda den kalidat di nos awa.

Na promé lugá, nos kier enfatisá ku nos ret di awa den sierto aria ta un ret ku tin basta aña den servisio i ku poulatinamente Aqualectra ta invertí pa kambia e ret aki i kambia pipa di metal (heru bashá i galvanisá) pa pipa di plèstik (High Density Poly Ethyleen, HDPE). Aqualectra su ret ta konsistí di 804 kilometer di pipa mas grandi ku 4” (dùim) i 1956 kilometer di pipa mas chikí ku 4” (di 3” te ku ½”). Durante di último 3 aña Aqualectra a logra, ku un invershon di 34 mion pa kambia 173 kilometer di pipa.

Aqualectra ta sigui invertí den renovashon di su ret pero na mes momento ta realisá ku esaki ta un trayekto ku lo tuma varios aña (mas ku 25 aña) pa nos por logra kambia tur pipa pa pipa di plèstik ku ta mas duradero.

Referente na e tema di kalidat di awa ku ta wòrdu referí n’e, Aqualectra por garantisá ku e kalidat di awa ta kumplí ku normanan. E garantia aki ta debí na un programa riguroso pa kue muestra i analisá kalidat di awa na 62 punto stratégiko den nos ret. E programa aki ta un programa ku ta ehekutá durante di 365 dia pa aña. E análisis di e muestranan ta tuma lugá dor di laboratorio di Aqualectra i dor di nos laboratorio nashonal (Analytisch Diagnotisch Centrum, ADC N.V). Tur dos laboratorio ta karga sertifikashon internashonal pa loke ta e kalidat i konfiabilidat di nan trabou. Pues no tin ningun motibu pa duda den e kalidat di awa paso na momento ku tin algu, e sistema di kòntròl ta detektá esaki mesora.

Aqualectra ke enfatisá ku komunidat por ta trankil paso Aqualectra ta garantisá e kalidat di awa i ta sigui invertí pa renová nos ret kontinuamente.

 

.

. .

. .

.

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: