Advertisements

MESTER KÒRDA KU TIN LEI I REGLA TA KONTA PA UN I TUR! KÒRSOU TA DEMOSTRÁ DISPONBILIDAT PA YUDA INDOKUMENTADONAN.

MESTER KÒRDA KU TIN LEI I REGLA TA KONTA PA UN I TUR!

KÒRSOU TA DEMOSTRÁ DISPONBILIDAT PA YUDA INDOKUMENTADONAN.

 

Frakshon di PAR den Parlamento ta di opinion ku na promé lugá nos mester por definí ku eksaktitut kiko dunamentu di asilo ta, kiko su akuerdonan di lei ta enserá i paisnan ku ta forma parti i pa kumpli den su forma korekto. Echo ta keda ku Kòrsou no ta forma parti di niun tratado internashonal ku ta aseptá i atendé ku refugiadonan i buskadónan di asilo.

Di e forma aki gobièrnu ta karga e sentido di responsabilidat na momentu ku un persona disidí di hasi su mes responsabel di e persona ku ta den e situashon aki. Nos tur ta konsiente di e situashon preokupante i alarmante ku pais Venezuela ta konfrontando kaminda siudadano nan ta hasi tur loke ta na nan alkanse pa sobreviví, bandonando nan famianan i riesgá nan suerte den diferente pais òf islanan den region pa por keda mantené nan famianan.  Mas ku klaro esaki a trese i krea diferente riesgo pa nos komunidat debí ku esun den nesesidat a hasi tur loke ta na su alkanse pa sobreviví. Lamentablemente di e otro banda otronan ta probechá di nan nesesidat pa benefisio propio. Un situashon kaminda ku abuso ta hunga un ròl i partidonan ta probechá di otro, oportunidat kaminda situashon ta sali for di man dor di manipulá ku ròl di poder i di víktima. Un forma mas pa krea alterashon den bo sosiedat.

Kòrsou ta un isla diversifiká ku ta konsistí di mas ku 100 nashonalidat ku semper a pèrkurá biba den harmonia ku otro inkluso Venezuela. Kòrsou no a limitá su mes pero ta keda duna su sosten moral i empatia, esaki bo ta mira bèk den kasnan di famia òf amigunan òf negoshinan i skolnan ku a saka man yuda. Kòrsou mes ta konfrontando su propio retonan ekonómiko manera, desempleo, ménos kapital,  poko invershon i kriminalidat. Poblashon ta sigui krese i problemanan ta keda oumentá pa solushoná. Mester traha preventivo i evitá riesgonan di peliger dor di  mantené i respetá lei i reglanan.  Meskos ku den kada kas di famia tin regla, meskos ta konta pa nos sosiedat!

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: