Advertisements

KOMUNIKADO DI KUERPO POLISIAL KÒRSOU Entrada hudisial ku detenshon.

KOMUNIKADO DI KUERPO POLISIAL KÒRSOU

403 / 2018

28 sèptèmber 2018

Entrada hudisial ku detenshon.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 27 di sèptèmber 2018, den oranan lat di anochi pa mardugá, personal di e Departamentu di Krímen Organisá konhuntamente ku Departamentu di Imigrashon a tene entrada hudisial na tres adres. Entradanan hudisial ta en konekshon ku investigashon relashoná ku trafikashon di hende.
Na un restorant riba F.D. Rooseveltweg a polis a detené 12 dama di nashonalidat Venesolano ku tabata traha komo ‘trago meisjes’. Na dos kas den Buena Vista polis a detené dos dama sospechoso:
 Y.Y.N.T. di 53 aña di edat;
 K.A.F.N. di 37 aña di edat, ámbos nasé na Venezuela, relashoná ku trafikashon di
hende. Na e dos kasnan ariba menshoná polis a detené 5 otro persona ku no tabatin e dokumentunan nesesario pa por permanesé riba nos isla. Polis a transportá e 5 personanan aki pa Departamentu di Imigrashon ku lo kontinuá ku e investigashon. Departamentu di Krímen Organisá ta kontinuá ku e investigashon di e 12 otro damanan.
A presentá e damanan sospechoso Y.Y.N.T. i K.A.F.N. dilanti di un Fiskal Ouksiliar ku a ordená nan enkarselamentu pendiente di mas investigashon.

 

Advertisements
error: Content is protected !!
%d bloggers like this: