Advertisements

E FIN DI SIMAN AKI NA SENTRO DEPORTIVO KÒRSOU…. KAMPEONATO DI KARATE ‘CURACAO OPEN’ KU PARTISIPASHON DI HOPI PAIS

E FIN DI SIMAN AKI NA SENTRO DEPORTIVO KÒRSOU….

KAMPEONATO DI KARATE ‘CURACAO OPEN’ KU PARTISIPASHON DI HOPI PAIS

 

E fin di siman aki Sentro Deportivo Kòrsou ta esenario di e kampeonato anual di karate ‘Curaçao Open’. Na e kampeonato aki ta partisipá paisnan manera Brazil, Trinidad, Martinique, Surnam, Venezuela, Boneiru i Kòrsou.

Apertura ofisial di e kampeonato di karate ‘Curaçao Open’ ta Djabièrnè 28 di Septèmbèr pa 6’or di atardi na Sentro Deportivo Kòrsou.

Mesora ta inisiá ku e buelta (rondanan) di eliminashon pa tantu Kata (Demonstrashon) i Kumite (Pelea).

Mas den oranan tempran di atardi tin e parti di registrashon di tur e atletanan i tambe e parti di sorteo i informashon dirigí pa Refreenan.

Entre 8’or i 15 i 9’or di anochi tin e peleanan final pa tur kategoria .E kampeonato di karate aki, ‘Curaçao Open’ ku tradishonalmente ta keda tene aki na Kòrsou den ultimo kwartal di aña ta kontinuá Djasabra 29 di Septèmbèr for di 2’or di atardi ku eliminashonnan di Kata (Demonstrashon), tantu den kategoría Junior i Adulto, sigui despues di 3’or di atardi pa bueltanan eliminatorio di Kumite (Pelea), di Junior, maskulino i femenino i tambe e diferente kategoríanan di peso, inkluyendo tambe Open Femenino i Open Maskulino.

E finalnan ta tuma lugá entre 7’or i 8’or di anochi. Tradishonalmente sa tin mas tantu pais ta partisipá, pero e ‘Curacao Open’ e biaha aki ta kai pareu ku e kampeonato grandi di karate ku ta tuma lugá na Chile. Sinembargo tòg  bastante ta e paisnan ku ta partisipá na e ‘Curacao Open’ e fin di siman aki na Sentro Deportivo Kòrsou. E planta di televishon di Brazil TV Globo t’ei presente pa hasi grabashon i filmashon. Un i tur, hoben, mayor i adulto ta keda kordialmente invitá pa ta presente.

 

 

Advertisements
error: Content is protected !!
%d bloggers like this: