Advertisements

PLAYOFF SOFTBOL “FAST PITCH” MASKULINO 2018 KAMPIONATO CSB/MCB 2018

PLAYOFF SOFTBOL “FAST PITCH” MASKULINO 2018 KAMPIONATO CSB/MCB 2018

Despues ku djaluna último e playoffnan di sòftbòl “fast pitch” maskulino di e kampionato CSB/MCB 2018 a ranka sali ku dos tremendo enkuentro, kos ta sigui e djárason aki na Buena Vista Bòlpark.

Pa 19:30 or Suffisant Eagles, dilanti unu sero den e  seri, ta bai purba kaba kos ora nan enfrentá e ekipo kampion di e último dos añanan, ku ta Dream Team. Tabata Shervison Angelista, ku djaluna último a tira e partido di su bida, pa Suffisant Eagles bai kas ku e triunfo. Frensel Meyers, ku a regresá for di Hulanda pa reforsá e ekipo di Juni Kunst, no por a dominá e bateria di Suffisant Eagles. Pero Pancho ta invitá tur fanátiko di Dream Team pa bin apoyonan, ya ku ta e mes lo bin purba dominá e muchanan di Zulaima, manera e la hasi henter kampionato.

Pa 21:30 or e muchanan di Calito Thode i Emile Haswell, Harlem Power, ta bin purba empatá e seri kontra e muchanan di Maiky Trinidad, Clase Aparte. Den e promé enkuentro tabata tin un tremendo duelo di picheo entre e dos estelarnan Rayshel Sambo (Harlem Power) i Emilio Velarde (Clase Aparte). Pero e bia aki Rayshel lo Sali di e porta grandi of Emilio lo keda ku su dominio riba Harlem Power?

Uni tur ta keda kordialmente invitá pa bin presensia e dos tremendo enkuentronan aki na Buena Vista Bòlpark i saboriá e dushi alanan di galiña di Jeni. Kòrda ku ta CSB i MCB ta invitá bo

Na nòmber di Curacaose Softball Bond

Fenton Thomasita

Sekretario General

Advertisements
error: Content is protected !!
%d bloggers like this: