Advertisements

NOS TA BEK NA MESUN PROBLEMA KU PROMÉ ku 10 OKT 2010 – SCHULDEN PROBLEMATIEK: INVITASHON PA TUR EMPLEADO PÚBLIKO

Den Reunion Públiko nos a deklará ku Kòrsou su Gobièrnu ta bou di kuratela, tin paro di dunamentu di ordu pa trabounan den tur ministerio, tin paro di fiamentu di plaka paso e maneho finansiero robes a hiba nos na un kolapso ekonómiko ku a krea un buraku den entradanan, pero sinemabargo Gobièrnu tòg a siguí gasta lokual e no tin den kaha.

Den kaso di konstrukshon di Hospital nobo pa logra fia tòg a bin ku un struktura di un consultant bedrijf pa por logra hasi un “onderhandselening tbv Land Curaçao” via di e managment company/consultancy bedrijf aki ke fia e sobra sèn pa kaba konstrukshon di e hopsital nobo i despues siguí run e Hospital Nobo, esaki despues ku e sèn presupuestá originalmente a terminá.

Tuma bon nota, na añanan 2003, 2004, 2005, 2006 i 2007 gobernashon a drei rondo di SCHULDEN PROBLEMATIEK(https://www.scribd.com/document/389455830/Eind-Rapport-Commissie-Schuldenproblematiek-25-juli-2003) debenan inpagabel krea di aña 1994 te ku 9 òktober 2010, Gobernashon i medidanan di IMF den añanan 1999/2000/2001 a hiba nos na un krísis finansiero-ekonomiko ku e genera un eksodo di mas di 43 mil hende ku a bandoná Kòrsou i a bin kulminá den loke awe nos konosé komo“Slotverklaring”. 

Awe 25 di Sèptèmber 2018, tur empleado públiko a wòrdu invitá pa bai papia over di e mesun situashon di añanan 2003-2007.

SCHULDEN PROBLEMATIEK ATROBE! 

Prohibí pa lubida: Na 29 di sèptèmber 2012 Gabinete Schotte, a laga debe Nashonal intakto na 1667 mion florin, a laga 518 mion den kaha di reserva “eigen vermogen”, 100 mion den e asina yama “Schommelfonds” na SVB i a laga 80 mion den SVB su fondo ku mester tei pa aktua den kaso di un epidemia òf un pandemia.

Awe debe nashonal ta yegando 3000 mion florin, e reserva ta na 0,00 florin, “Schommelfonds” tambe ta na 0,00 florin anto a laga apénas 35 mion florin den e fondo pa kubri gastunan den kaso di un epidemia òf pandemia.

Konklushon: Ta preparando Kòrsou pa e próksimo modelo di “Slotverklaring” 2 , kual ta ekivalente na e Modelo ku Boneiru, Statia i Saba konosé awe BES.

Tur esaki ta konsekuensia di Gobièrnu su medidanan di òktober 2012 pa desèmber 2016 i di mei 2017 pa sèptèmber 2018 i ahinda falta mas pa bin.

 

Advertisements
error: Content is protected !!
%d bloggers like this: