Advertisements

Pronóstiko di tempu pa Kòrsou i bisindario bálido te djárason mainta 6:00 o.l, 26 di sèptèmber 2018.

Pronóstiko

Pronóstiko di tempu pa Kòrsou i bisindario bálido te djárason mainta 6:00 o.l, 26 di sèptèmber 2018.
Kompilá: 
djamars 25 di sèptèmber 2018, 05:00 o.l. (09:00 UTC)

Tempu: Por lo general parsialmente nublá i awe mainta tempran tin chèns ku un tiki awa por kai. Pa restu di dia i anochi, un wer seku lo prevalesé. Mayan djárason sinembargo, nubianan lo oumentá i okashoná áwaseru riba diferente parti di e isla. Tambe bos lo zona.

Temperatura máksimo lo alkansá 33 ºC i temperatura mínimo 26 ºC.
Solo ta sali 06:25 i ta baha 18:30 o.l.

Bientu: For di un direkshon generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Algun ráfaga te fuerte: forsa 6 (40 te 50 km/ora, 22 te 27 nudo).

Situashon general: Nubianan di poko importansia lo krusa riba nos region durante di awe i asina resultá den un wer seku. Despues di awe, e ambiente lo bira mas húmedo i asina sòru pa desaroyo di nubianan ku lo produsí áwaseru.

Kondishon di laman: Moderá ku altura di ola entre di 1 i 2 meter  (3 pa 6 pia).

Sistemanan signifikante di wer tropikal: E sobra di tormenta tropikal Kirk tin sierto potensial pa desaroyá un bes mas den un siklon. Aunke e siklon no ta un menasá pa nos region aktualmente, Servisio Meteorológiko Kòrsou lo sigui su desaroyo ku hopi atenshon. Tormenta Subtropikal Leslie  a debilitá un poko i ta bira un depreshon subtropikal, miéntras e ta sigui riba e laman habrí di Osean Atlántiko. E siklon aki tampoko ta un menasa pa Kòrsou.

Fenómeno spesial: Ningun.

Pèrspektiva te djaweps mainta: Shelu lo ta parsialmente te hopi nublá i awa por kai ainda durante di djaweps mainta. No ta ekskluí e posibilidat ku bos por zona un bes mas .

Meteorólogo: Coffie

E próksimo boletin di tempu lo wòrdu publiká djamars 11:00 o.l. (15:00 UTC).

.

.

.

. .

. .

.

Advertisements
error: Content is protected !!
%d bloggers like this: