Advertisements

Gisette Seferina ke sa kon a para ku e Business Case di Hospital NOBO

Gisette Seferina ke sa kon a para ku e Business Case di Hospital NOBO

 

Parlamentario di Frakshon di PAR Sra. Gisette Seferina awe mainta durante di reunion públiko tabatin algun pregunta klave pa Minister di Finansa Sr. Gijsbertha tokante finansiamentu di hospital i e supuesto montante ku ta surpasá e presupuesto pa Nos Hospital Nobo.

Sra. Seferina ta indiká ku tin un trayekto pa traha un hospital nobo pa asina e pueblo di Kòrsou por tin e garantia  ku e kuido ku e risibí lo bai ta na tinu, na drechi, di kalidat i ku e por page.

Un Yu di Kòrsou tin akseso ku na salubridat públiko i ku ta hasi uzo di servisio di un hospital pa kuido médiko, tin e siguiente preguntanan:

“Si mi bira malu tin yudansa pami?” “E yudansa ku mi haña ta di kalidat e ta adekuá pami?”

“Mi por paga e kuido ei? Den ki ambiente lo mi haña e kuido ei?”

Un hospital di 165 aña no ta sirbi e puntonan aki. P’esei pueblo kompleto ta anhelá un hospital nobo. E estado di deterioro di SEHOS ta asina grandi ku mester a bini un hospital nobo. Pueblo tabata konsiente ku e lo kosta hopi sèn, pero ku lo a hasi esaki sin hinka e pais den un debe grandi, manera promé ku 10 10 10 debenan di Kòrsou tabata asina haltu ku 93 sèn for di e florin tabata bai na paga debenan i no por a progresá, invertí, ni mehora nos pais.

For di tempu ku a konkretisá e konstrukshon di HNO a papia di un “Business Case”. Un “business case” ta un hustifikashon pa kualke proyekto kaminda bo ta evaluá si e tin  benefisio komersial i si ta balapena invertí den dje.

Sra. Seferina ta enfatisá ku pueblo di Kòrsou ke sa si HNO ta bal hinka sèn den dje? Ta falta di gobièrnu Ruggenaath ku no tin business case di HNO òf ta skonde e gobièrnu aktual ta skondé? Anto di dikon ta papia di mas ku un business case?

Sra. Seferina ta terminá ku e tin un rel den e invershonan ku gobièrnunan a hasi den nos infrastruktura i konstrukshon di edifisio ku despues mester di meerwerk òf ku no ta kuadra. E ta puntra kon e garantia di konstrukshon ta bai den kaso di un mega proyekto manera HNO? En partikular awor ku tin indikashon ku mester di 200 mion mas pa finalisá e hospital.

Advertisements
error: Content is protected !!
%d bloggers like this: