Advertisements

Elsa Rozendal di MAN: A tuma èkstra prekoushon pa skolnan den e temporada aki di kalor eksesivo? 

Elsa Rozendal di MAN: A tuma èkstra prekoushon pa skolnan den e temporada aki di kalor eksesivo? 

Pa luna di sèptèmber, Servisio Meteorológiko di Kòrsou a emití un anunsio di temperaturanan haltu i kalor eksesivo. Un kalor ku por perdurá pa algun tempu mas. Espesialmente esnan ku ta traha direktamente den solo ta sinti e efektonan mas. Pero tur esnan ku ta pasa oranan largu paden sin èrko tambe tin ku tuma prekoushon, por ehèmpel, dor di bebe hopi awa.

Nos muchanan di skol i nan maestronan, di kua nan lokal no tin èrko, tambe ta sinti e efektonan i sufri di e kalor eksesivo.

Nos a tuma nota resientemente di un emitido den un matutino lokal, ku e minister di Enseñansa di Aruba, señor Armando Lampe, a tuma e desishon pa laga skolnan sera mas tempran riba e dianan ku ta ekstremadamente kalor.

Nos ta kere sigur ta algu pa tuma na konsiderashon ya ku e kalor por trese hopi malestar pa e alumnonan i nan maestronan.

Den e kuadro aki Rozendal a hasi e siguiente preguntanan na minister.

  1. Minister por bisa Parlamento kua ta e pasonan ku ya kaba minister a tuma pa aliviá e situashon di kalor pa alumno i maestro?
  2. Minister por bisa Parlamento si Minister tambe ta di opinion ku mester laga e muchanan bai kas mas tempran debí na kalor eksesivo?
  3. Minister por bisa Parlamento kon a para ku e trayekto di “un cooler” pa kada skol? E skolnan ya kaba a risibí nan “cooler”?
  4. Minister tin un plan pa pone èrko den kada klaslokal?

Si ke pone èrko den kada klas mester por tin sufisiente kapasidat di koriente i maneranan pa baha gastu di elektrisidat.

  1. Kon ta para ku e proyekto di panelnan solar riba daknan di skolnan?
  2. Durante e reunion di Parlamento tokante “Klima na Kòrsou relashoná ku funshonamentu diario den nos institutonan di edukashon (skolnan)” fechá 9 di aprel 2018, mi persona a entregá minister e rapport “BESte Scholen” di studiantenan di Universidat di Kòrsou.

Minister por bisa nos si Minister a hasi uso di e rapòrt aki i kua ta e rekomendashonnan ku a keda ehekutá?

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: