Advertisements

KOMUNIKADO DI KUERPO POLISIAL KÒRSOU Dos detenshon pa violensia doméstiko.

KOMUNIKADO DI KUERPO POLISIAL KÒRSOU

392 / 2018

21 sèptèmber 2018

Dos detenshon pa violensia doméstiko.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 21 di sèptèmber 2018, alrededor di 02.35 or, Sentral di Polis a dirigí un patruya den área di Koral Specht pa un kaso di violensia relashoná ku pareha.
For di un investigashon preliminar ku polis a realisá, a resultá ku e pareha aki tabatin diskushon ku otro ku a terminá den agreshon i destrukshon na propiedat di otro. En konekshon ku e maltrato i destrukshon aki, polis a detené tantu e hòmber komo e dama. E sospechoso maskulino J.J.S. nasé na Kòrsou di 34 aña di edat, pa maltrato i e dama sospechoso M.M.H. nasé na Kòrsou di 36 aña di edat, pa maltrato i destrukshon.
A presentá e sospechosonan dilanti di un Fiskal Ouksiliar ku a ordená nan enkarselamentu pendiente di mas investigashon.

Advertisements
%d bloggers like this: