Advertisements

E programa pa stimulá empresa chikï i mediano riba islanan LGO den Karibe ta yega na su fin.

E programa pa stimulá empresa chikï i mediano riba islanan LGO den Karibe ta yega na su fin.

 

COSME ta yega na su fin dia 26 di September 2018 i dia 19 di September tabatin un Kumbre Ministerial tokante kon ta sigi despues di COSME na momentu esaki termina.  Na final di e kumbre Ministernan di Kòrsou, Aruba, Turks & Caicos i Diputado di Boneiru a firma un Joint Declaration of Expression pa islanan LGO den Karibe sigi traha huntu i formalisá e kolaborashon aki den un asina yama struktura Post-COSME. E intenshon despues di e deklarashon firmá na Aruba ta pa bini ku un mekanismo pa garantisá implementashon di manehonan, rekomendashonan i instrumentonan desaroyá bou di COSME, komo tambe desaroyá un programa nobo ku mester sigi yuda fortifiká ekonomianan di e LGOnan di Karibe.

Djarason 19 di September Minister Martina a sostené e posishon e asina yama paisnan LGO di Karibe yega na un mekanismo di kolaborashon nobo riba nivel regional pa desaroyo ekonomiko i ku enfasis riba desaroyo di empresa chikí, komersio i invershon. Minister Martina tabata na Aruba pa un bishita kòrtiku pa asina join e Minister di Finansas, Ekonomia i Kultura di Aruba Sra. Xiomara Ruiz-Maduro, Diputado di Desaroyo Ekonomiko di Boneiru Hubert Martis i e Minister di Turks & Caicos Sr. Edwin Astwood pa firma un deklashanon konhuntu ku nan ta sostene e proseso pa yega na un mekanismo pa sigi stimula aktividatnan ekonomiko, empresarial i di komersio i industria ku Karibe.

E mekanismo aki tin ku sigi e trabou ku e programa COSME a establesé durante e ultimo 4 añanan.

Cosme ta un programa finansiá pa Union Europeo ku a akapará e paisnan LGO di Karibe. !5 mion Euro a keda inverti pa mehora e posishon di empresanan chikí i mediano, organisashonan di sosten na empresarionan chikí i gobiernunan di e 12 islanan LGO den Karibe. Kòrsou, Aruba, Boneiru, St. Maarten, Saba i St. Eustatius ta e islanan LGO Hulandes, mientras BVI, Anguilla, Cayman Islands, Monteserrat i Turks and Caicos ta e islanan LGO Ingles. St. Barths ta e uniko LGO Franses den Karibe.

Minister Martina a indiká durante di e enkuento ku: “Kòrsou ta pasando den momentunan difisil ekonomikamente, i netamente den e momentunan aki mester akudí na nos bisiñanan den nos region pa stimula koperashon i komersio. Nos tin lasonan familiar kaba, i ta tempu pa fortifiká e lasonan komersial tambe”.

Onderschrift bij foto alle Ministers:

Minister Martina huntu ku kolega ministernan di Aruba, Turks and Caicos i Diputado di Ekonomia di Boneiru ta para huntu tras di un trayekto nobo despues di e programa COSME finalisá.

 

 

Advertisements
%d bloggers like this: