Advertisements

Ministerio di Trafiko. Transporte i Planfikashon Urbano (VVRP) a sinta na mesa ku Parke Tropikal.

Ministerio di Trafiko. Transporte i Planfikashon Urbano (VVRP) a sinta na mesa ku Parke Tropikal.

 

Willemstad – Resientemente direktor di Curacao Zoo & Botanical Garden (Parke Tropikal), señor Bert Isenia a ekspresa su mes, pa via di diferente medio di komunikashon, di un forma fuerte kontra di e atenshon risibi sekra departamentonan di ministerio di Trafiko, Transporte i Planifikashon Urbano (VVRP).

Despues di a kondusi un investigashon interno, representantenan di servisio di Maneho di Tereno (Domeinbeheer) huntu ku represantenan di ministerio di Salu, Medio Ambiente i Naturalesa, a aserka señor Isenia pa asina tende di dje kiko ta su prekupashon  di un forma ofisial.

Durante e kombersashon a bini diferente punto dilanti, esakinan ta entre otro e echo ku

  • E area rondo di Parke tropikal ta un area ku tin diferente dam, kual pa diferente motibu no ta funshonando manera debe ser. Esaki ta pone ku na momentu ku hopi awa kai e awa ta bin termina den Parke Tropikal.
  • Parke Tropikal tin un “beheersovereenkomst” ku Gobiernu ya di basta tempu, kual no ta indika bon kla kua ta grens di nan tereno. Esaki ta stroba e parke pa yega na sierto permitnan ku ta nesesario pa sigui desaroya.
  • Parke Tropikal for di aña 2011 a bin ta aserka Gobiernunan di turno ku entre otro e puntonan ariba menshona sin por a yega na un solushon.

 

E kombersashon aki a finalisa kaminda partidonan a hasi palabrashonnan pa asina yega na solushonnan nesesario riba termino kortiku. A palabra ku organisashonan konserni lo hasi eherisionan nesesario pa asina por defini grens di e tereno di Parke Tropikal. Tambe lo aserka un eksperto pa asina analisa e Sistema di dam den e area i bini ku rekomendashonan pa asina remedia e situashon na momentu di hopi yobida. Despues di atende e puntonan ariba menshoan kual e keda identifika komo esnan di mas urgensia Gobiernu huntu ku Parke Tropikal lo sigui atende demas puntonan ku a keda trese dilanti den e kombersashon.

Minister di Trafiko, Transporte i Planifikashon Urbano señora Zita Jesus-Leito ta lamenta ku e asuntu aki a tuma asina tantu tempu i ta di opinion ku e palabrashonnan hasi mester por soru pa yega na un solushon rapidamente.

 

Advertisements
error: Content is protected !!
%d bloggers like this: