Advertisements

Komo preparashon pa e buelonan nònstòp di Condor for di Frankfurt…… Kòrsou ta konkluí eksitoso roadshow na Alemania

Komo preparashon pa e buelonan nònstòp di Condor for di Frankfurt……

Kòrsou ta konkluí eksitoso roadshow na Alemania

 

WILLEMSTAD – 18 di sèptèmber 2018 –  Alemania ta keda un merkado importante pa Kòrsou. No opstante e echo ku na 2017 Kòrsou a pèrdè e buelonan di Air Berlin, bishitantenan aleman a keda bini Kòrsou pa nan vakashon hasiendo uso di konekshon via Hulanda. E temporada di wenter benidero ta mustra masha prometedor pa Kòrsou ku komienso di e buelonan nònstòp ku Condor for di Frankfurt na luna di novèmber próksimo. Lo tin buelonan semanal, riba djárason henter e temporada di wenter 2018-2019. Den kuadro di esaki Ofisina di Turismo di Kòrsou (CTB) huntu ku Curaçao Airport Partners (CAP) a organisá un roadshow na Alemania pa por duna informashon na agentenan di biahe aleman tokante di tur loke Kòrsou tin di ofresé i tambe e posibilidat di konekshon aéreo pa por yega Kòrsou. Partnernan hotelero tambe tabata presente pa asina presentá nan hotèl na e agentenan di biahe.

Durante 4 dia a duna informashon aktual di nos destinashon na agentenan di biahe. E roadshow a kuminsá dia 3 di sèptèmber na Frankfurt, a sigui despues 4 di sèptèmber na Cologne, 5 di sèptèmber na Hannover i a finalisá 6 di sèptèmber na Berlin. Un total di 100 agente di biahe a risibí informashon aktualisá di Kòrsou ku lo por yuda nan bende nos destinashon durante di e próksimo temporada. Kada dia a kuminsá ku un presentashon; siguí pa un seshon interaktivo yamá ‘Dushi Sup Yoga’, despues un desayuno karibense i pa finalisá e dia tur partner a risibí oportunidat di presentá nan akomodashon, aktividat- i paketenan por medio di un seshon di speed dating.

E Travel Agent Reward Program di CAP i CHATA tambe a keda introdusí na e agentenan di biahe. E programa lo keda lansá e luna aki den e merkado aleman. Zomer 2019, Kòrsou lo invitá e agentenan i agensianan di biahe ku a produsí mihó pa un estadia aki na Kòrsou kaminda nan lo keda premiá pa nan sosten i e reservashonnan ku nan a realisá.

CTB i CAP ta gradisí; Renaissance Curaçao Resort & Casino, Livingstone Jan Thiel Resort, Santa Barbara Beach & Golf Resort, Hilton Curaçao, ACOYA Curaçao Resort Villas & Spa, Sunscape Curaçao Resort Spa & Casino, Lions Dive and Beach Resort, Avila Beach Hotel, Rancho El Sobrino i Morena Resort pa nan kolaborashon balioso. Por mira bèk riba un eksitoso roadshow na Alemania.

==============

 

In preparation of Condor’s First Non-Stop Flight from Frankfurt …

Curaçao Concludes Successful Roadshow
in Germany

 

WILLEMSTAD – September 18, 2018 – Germany remains an important market for Curaçao. Despite the loss of the Air Berlin flights in 2017, visitors continue coming to spend their vacations on the island, booking connecting flights through the Netherlands. With the start of the non-stop Condor flights from Frankfurt coming November, this winter season is looking quite promising for Curaçao. The weekly Wednesday flights will continue throughout the 2018-2019 winter season. In line with this, the Curaçao Tourist Board (CTB), together with Curaçao Airport Partners (CAP), organized a roadshow in Germany, informing German travel agents on all that Curaçao has to offer, as well as on flight possibilities to the island. Hotel-industry partners were also on site to get travel agents acquainted with their respective hotels. 

Over the four days of the roadshow, travel agents received current information about the destination. The roadshow began on September 3 in Frankfurt, moving on to Cologne on September 4, to Hannover on September 5, and ending on September 6 in Berlin. In total, 100 travel agents were provided with up-to-date information on Curaçao that will help them in selling the destination in the upcoming season. Each day started out with a presentation, followed by an interactive Dushi Sup Yoga session and a Caribbean breakfast. At the end of each day, the partners were able to share information on their accommodations, activities and packages in a speed-dating session.

The Travel Agent Reward Program of CAP and CHATA was also introduced to the travel agents. The reward program will be launched this month in the German market. In summer 2019, Curaçao will invite the best producing travel agents and agencies for a Curaçao reward retreat where they will be rewarded for their support and bookings.

The CTB and CAP wish to thank the Renaissance Curaçao Resort & Casino, Livingstone Jan Thiel Resort, Santa Barbara Beach & Golf Resort, Hilton Curaçao, ACOYA Curaçao Resort Villas & Spa, Sunscape Curaçao Resort Spa & Casino, Lions Dive and Beach Resort, Avila Beach Hotel, Rancho El Sobrino and Morena Resort for their valuable collaboration. We can look back on a successful roadshow in Germany.

 

Advertisements
%d bloggers like this: