Advertisements

Go Cultura Foundation’s 1st Annual “Linking Orange” Conference 2018

“Go Cultura Foundation” ta un non-governmental y non-profit organization cu a wordo funda na Aruba den luna di Augustus na aña 2017, cu e mision pa stimula y engrandece e sector artistico, cultural y creativo di e forma di mas amplio posibel.

Specificamente enfocando riba e mision pa empower nos artistanan y nos creativonan, door di provee asistencia tecnico/logistico, pero tambe asistencia financiero cu ta sumamente necesario.

E fondonan pa por brinda asistencia financiero, ta wordo genera door di continuamente organisa proyectonan cu no solamente ta sirbi pa recauda fondo, pero tambe ta sirbi como plataforma pa nos artistanan den tur disciplina, por desaroya y expone nan talento y creatividad.

Tambe nos ta formando aliansa cu varios empresa local, cu ta contribui mensualmente na nos fundacion, pa nos fondonan disponible pa re-inverti den proyectonan artistico, por ta aun mas grandi.

E asistencia tecnico y logistico lo wordo duna door di diferente forma, por ehempel door di provee workshops, lecturanan, symposio y conferencia.

Tur e esfuerzonan aki ta pa finalmente logra cu e gran mayoria di esnan den e sector artistico y cultural por tin e hermentnan necesario pa bira entrepreneurnan cultural influencial y exitoso den futuro.

Pero pa esaki sosode, nos tur mester realisa con importante e ta pa tur ser humano wordo exponi desde chikito na Arte y Creatividad. Con importante e ta pa desaroyo di cualkier comunidad.

Tambe nos tin cu realisa cu hunto nos mester haci tur nos esfuerzo pa stimula y activa loke mundialmente ta wordo denomina como e “Orange Economy” of e “Economia Creativo”, y no depende solamente di 1 pilar economico (Turismo na Aruba por ehempel).

E motibo cu mi ta manda esaki pa Korsou y Boneiro, ta pasobra nos ta desea di empower y inspira esnan den e sector cultural y creativo na nos islanan ruman tambe, pa nos simula y impulsa un economia creativo pa e respectivo islanan, cu tur e conocemento y hermentnan adkeri durante e conferencia “Linking Orange”.

“Linking Orange” ta un oportunidad pa nos fundacion no solamente sigui cu e mision continuo pa recauda fondo pa nos por re-inverti den programanan of proyectonan artistico y cultural, pero tambe pa sigui cu e trabao sumamente valioso di conscientisa con importante, necesario y urgente e ta pa Arte, Cultura y Creatividad ta na e curazon di e desaroyo sostenibel di nos Paisnan.

E conferencia aki no ta solamente pa comparti conocemento cu tur esnan cu lo tey presente, pero e ta tambe pa activa nos hendenan pa tuma accion.
Pa probecha di e oportunidadnan nos dilanti cu e “Revolucion Creativo y Cultural” ta treciendo cune. Un impacto socio-economico cu poco bes nos a experencia den historia di nos Paisnan.
Nos tin e recursonan. Nos ta islanan artistico, hopi creativo y inventivo. Pues nos mester gara e oportunidad aki cu dos man. Erornan por wordo coregi na caminda. Pero oportunidadnan perdi, hamas por wordo recupera.
Nos ta forma parti di un di e regionnan mas diverso mundialmente. Y É region cu mas potencial aworaki pa un economia creativo floreciente, cu ta wordo impulsa door di e Industria Cultural y Creativo.

Nos organisacion ta planeando un bishita riba e islanan di Korsou y Bonaire den luna di October, pa asina nos por promove e conferencia aki y invita tur esnan interesa pa uni cu nos riba 16 di November proximo na Aruba.

Advertisements
error: Content is protected !!
%d bloggers like this: