Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Pronóstiko di tempu pa Kòrsou i bisindario bálido te djasabra mainta 06:00 o.l, 15 di sèptèmber 2018.

Pronóstiko

Pronóstiko di tempu pa Kòrsou i bisindario bálido te djasabra mainta 06:00 o.l, 15 di sèptèmber 2018.
Kompilá: 
djabièrnè 14 di sèptèmber 2018, 05:00 o.l. (09:00 UTC)

Tempu: Parsialmente nubla; temporalmente por bira hopi nubla ku chèns pa áwaseru ku posibilidat pa welek i bos.

Temperatura máksimo lo alkansá 34 ºC i temperatura mínimo 27 ºC.
Solo ta sali 06:25 i ta baha 18:37 o.l.

Bientu: For di direkshon entre nortwèst i nortost i suak te moderá; forsa 1 te 3 (1 te 19 km/ora, 1 te 10 nudo). Temporalmente for di direkshon varia i kalmu; forsa 0 te 1 (0 te 5 km/ora, 0 te 3 nudo).

Situashon general: Tormenta tropikal Isaac tabata situá awe mainta riba e parti oriental di laman Karibe i ta sigui move den un direkshon wèst. E sistema aki lo sigui influensha e patronchi di bientu den nos region durante e próksimo 24 ora. Pa e motibu aki nos bientu lo sigui ta suak durante e próksimo 2 dianan. Durante awe mainta ta antisipá temporalmente un oumento di nubia den nos region ku chèns pa algun áwaseru i posibilidat pa welek i bos.

Kondishon di laman: Tranki ku altura di ola di menos ku 1 meter  (menos ku 3 pia).

Sistemanan signifikante di wer tropikal: Orkan Florence awe mainta a alkansa kosta norte amerikano i su sentro tabata na un distansia di mas o ménos 35 km ost ost di Wilmington, North Carolina. E sistema aki ta sigui move den direkshon wèst nortwèst okashonando olanan destruktivo na kosta i áwaseru torensial ku por kousa inundashon nan katastrofiko sigun e ta progresa mas profundo den e region ey.
Tormenta tropikal Hélène tabata situá awe mainta na mas o ménos 1220 km sùitwèst di e base militar Lajes den  islanan Azores i ta moviendo rapidamente den direkshon nort.
Mientras tantu awe mainta tormenta subtropikal Joyce tabata situá riba Osean Atlántiko na un distansia di 1750 kilometer wèst sùitwèst di islanan Azores i ta moviendo den direkshon sùitwèst pero den kurso di awe mainta lo bira i kontinua den direkshon ost.
Tormenta Tropikal Isaac awe mainta a sigui debilitá i bira un depreshon tropikal. Depreshon tropikal Isaac tabata situa awe mainta na un distansia di 310 kilometer suit suitwèst di e isla St Croix i ta sigui move riba e parti ost di Caribe den un direkshon wèst. Ningun di e sistema nan aki, ta un menasa aktualmente pa Kòrsou.

Fenómeno spesial: Ningun.

Pèrspektiva te djadumingu mainta: Por lo general parsialmente nublá ku un òf mas áwaseru, kisas kompaña pa welek ku bos. Bientu lo keda basta suak.

Meteorólogo: Statia.

E próksimo boletin di tempu lo wòrdu publiká djabièrnè 11:00 o.l. (15:00 UTC).

.

.

.

.

.

.

.

.

AKTUALMENTE NO TIN NINGUN VIGILANSIA ÒF ATVERTENSIA PA SIKLON TROPIKAL (DEPRESHON TROPIKAL, TORMENTA TROPIKAL ÒF ORKAN) NA VIGOR PA KÒRSOU.

THERE ARE CURRENTLY NO WATCHES NOR WARNINGS FOR TROPICAL CYCLONES (TROPICAL DEPRESSIONS, TROPICAL STORMS OR HURRICANES) IN EFFECT FOR CURAÇAO.

ER ZIJN MOMENTEEL GEEN (VOOR)WAARSCHUWINGEN VOOR TROPISCHE CYCLONEN (TROPISCHE DEPRESSIES, TROPISCHE STORMEN OF ORKANEN) VAN KRACHT VOOR CURAÇAO.

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: