Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Gobièrnu di Kòrsou a tuma desishon pa sera akuerdo formal ku kompanianan di limpiesa pa garantisá skolnan limpi

Gobièrnu di Kòrsou a tuma desishon pa sera akuerdo formal ku kompanianan di limpiesa pa garantisá skolnan limpi
WILLEMSTAD – Resientemente Gabinete Rhuggenaath a tuma e desishon pa sera un akuerdo nobo entre Servisio di Skolnan Públiko (D.O.S.) ku e kompanianan di limpiesa na skolnan.
E akuerdo bieu ku kompanianan di limpiesa tabatin ku Servisio di Skolnan Públiko (D.O.S.) a terminá ofisialmente riba 31 di yüli 2018 último. E akuerdo menshoná no outomátikamente ta wòrdu prolongá.
Entretantu gobièrnu huntu ku e kompanianan menshoná a sinta na mesa i palabrá ku ta buska un solushon pa garantisá limpiesa na e skolnan públiko.
Gobièrnu su empeño ta pa usa e medionan finansiero mas optimalmente posibel.
Teniendo kuenta ku e entradanan disponibel riba prosupuesto di 2018 di Servisio pa Skolnan Públiko, mester a bai buska un alternativa pa yega na rekursonan finansiero adishonal pa por prolongá e akuerdo ku e kompanianan di limpiesa.
Awor ku Gabinete Rhuggenaath a tuma e desishon pa yega na un akuerdo nobo, ta nifiká ku tur skol ta keda risibí servisio di limpiesa nesesario pa nos tin un klima higiéniko na skolnan públiko.
Den e periodo benidero Servisio di Skolnan Públiko ta bai reorganisá aktividatnan relashoná ku limpiesa di skolnan. Den e kuadro aki ta tene kuenta ku diferente aspekto manera mihó uso di e fondonan disponibel i mihó kontrol riba limpiesa.
Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: