Advertisements

PREPARASHON PA KONSIERTO NOS RAIS  MUSIKAL TA DEN FULL SWING

PREPARASHON PA KONSIERTO NOS RAIS  MUSIKAL TA DEN FULL SWING

 

WILLEMSTAD — Den kuadro di selebrashon di 50 aña AMAK, e preparashonnan pa e konsierto “Nos Rais Musikal”  ta kanando konforme e planifikashon.  Ya kaba e hóbennan di Junior Allstar Orchestra tin gran parti di e repertorio dominá i ta e intenshon pa djasabra awor dia 15 di sèptèmber, tur e intérpretenan tin ku ensayá ku e base di e orkesta.

Manera ta konosí, den e parti kaminda ta bai interpretá nos  númeronan di añanan 40 pa 60, tin diferente kantante konosí ku  lo bai interpretá un o mas número.

Pa djasabra awor AMAK ta spera e siguiente kantantenan pa akudí entre 11 or di mainta pa 2 or di atardi, pa bin ensayá nan númeronan ku nan lo bai partisipá aden:      Melania van der Veen,  Urvin Yano,  Henry B, Pastor Raul,  Gibi Doran, Melissa Arroyo, Ruth Samson, Remsley Frans i  Wendy Jane Gomes

Muy pronto e spòtnan lo kuminsá pasa na e planta di televishon Tele Curaçao, na Radio MAS i otro radionan emisora ku mester konfirmá aki.

Pronto lo anunsiá tambe ki dia ta ensayá ku esnan ku ta bai partisipá den e último parti di e show, esta Dibo Doran, Clinton Hato Chems.

AMAK ta spera ku hasiendo e proyekto aki, l’e por duna un kontribushon pa savalguardá nos historia musikal i tambe konsientisá tantu hóbennan komo adulto riba e komposishonnan di gran nifikashon di nos antepasadonan.

 

Direktiva di AMAK

 

Advertisements
%d bloggers like this: