Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Aktivá i partisipá na World Clean Up Day na Kòrsou djasabra 15 di sèptèmber

E fin di siman akí lo bira unu kaminda rònt mundu ta selebrá “World Clean Up Day”. Manera ta konosí Kòrsou tambe ta partisipá ku e World Clean Up Day riba djasabra 15 di sèptèmber. Gobièrnu di Kòrsou huntu ku e ministerionan di SOAW i GMN i diferente fundashon i kompania, entre otro Curaçao Cares, Curaçao Clean Up, Clean Caribbean Coalition i Green Force ta e inisiadónan di e kampaña akí.

Na Kòrsou nos sa ku hopi bario i hopi organisashon ta preparando pa e dia di limpiesa akí. Selikor tambe lo partisipá aktivamente na e “World Clean Up Day” na Kòrsou, riba 15 di sèptèmber.

Huntu ku Radio Krioyo, Selikor lo bai ta visibel den e barionan di Suffisant, Muizenberg nobo i Muizenberg bieu. Ta bai transportá e mashin di pèrs móbil i stashoná esaki riba tereno di Club di Shell kaminda tur habitante di e barionan menshoná i tambe otro áreanan den serkania por bin depositá potoshi. Tin oportunidat pa habitantenan por trese nan shushi separá i pa kada habitante ku trese un mínimo di 24 item di sea nan bòter di glas, bòter di plèstik i bleki di aluminio, lo risibí un premio. E aktividat ta kuminsá 7or di mainta i kaba 3or di atardi.

E intenshon ta pa e barionan mes ta envolví, tur hende mester limpia nan propio kurá i besindario i lo tin diferente pikòp ku lo pasa rekohé e potoshinan ku tin poné visibel pafó di kurá. Habitantenan mes tambe por hiba potoshi i depositá esakinan den e mashin di pèrs mobil di Selikor ku lo ta stashoná riba e tereno di Club di Shell na Suffisant.

Un apelashon ta bai na nos komunidat pa laga nos tur aktivá e djasabra akí, 15 di sèptèmber, na e “World Clean Up Day” na Kòrsou i no warda te na delaster momentu pa deshasí di bo shushi. Si kada bario i otro organisashonnan ta mas aktivo ku akshonnan di limpiesa riba un base regular i na un manera responsabel, nos ta redusí e kantidat di shushedat ku nos ta krea riba nos isla ku por tin komo konsekuensia holó malu i malesa. Di otro banda tambe nos ta evitá ku insektonan ta sigui brui ku ta kousa diferente malesa ku fásilmente ta plama riba nos pais.

Abo i Selikor, huntu nos ta tene e isl’akí limpi.

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: