Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Parlamentario Jeser El Ayoubi: Stòp ku violensia, nos yunan meresé mihó! No por sigui invadí i destruí seguridat di nos yunan.

Parlamentario Jeser El Ayoubi:

Stòp ku violensia, nos yunan meresé mihó!

No por sigui invadí i destruí seguridat di nos yunan.

 

Un biaha mas Kòrsou ta konosé un kaso lamentabel di drama pashonal kaminda e grado di problema ta pone ku e persona enbolbí ta tuma akshonnan severo ku konsekuensianan fatal i dramátiko pa e víktimanan . E trouma i disgustu ku e akontesiemiento aki ta trese kuné tantu pa e famianan enbolbí i nos komunidat en general pero en espesial pa nos muchanan, ku lamentablemente mester a presensia un akto agresivo asina, ta inkalkulabel.

 

Kuantu biaha kaba drama pashonal, bringamentu formal òf likidashon a tuma lugá riba parkeo di krèsh òf skol i te hasta dilanti nos yunan i esnan di e víktimanan?.

Sr. El Ayoubi ta para ariba ku no por sigui invadí i destruí seguridat di nos propio yunan. Skol i krèsh mester ta ‘off limits’ pa kosnan negativo i agresivo. Ta ora pa un i tur realisá ku ta nos yunan su segundo kas di desaroyo i formashon.

Segun sr. El Ayoubi ta nos tur ku ta adulto i esnan ku ta mayor mester ta responsabel pa trankilidat i seguridat di nos yunan. Nos mester para ketu, realisá i aseptá ku nos aktonan tin un influensia determinante riba pensamentu i akshonnan di nos yunan tantu awor komo despues.

Ta ora pa adultonan stòp di hasi nan problemanan esnan di nos yunan. Asumí bo responsabilidat i atendé bo kos na drechi.

Mas i mas nos ta kreando un sosiedat kaminda nos muchanan ta krese ku miedu, rabia i inseguridat.

 

P’esei un apelashon agudo komo un siudadano hopi preokupá i alarma na tur tata, mama i demas adultonan den nos sosiedat pa pone nos yunan promé!

Laga nos tur reflekshoná riba kada desishon òf akshon i pone e seguridat i trankilidat di nos yunan komo meta prinsipal.

No mas violensia, pero mas kombibensia pa ku otro, no tapa kara ni kore pa e problema sino atendé e problema den un forma hustu i efektivo.

Nos yunan meresé mihó!

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: