Advertisements

Komishon fiho di Hustisia di Parlamento ku bishita di trabou na Marine Kazèrne Suffisant.

Komishon fiho di Hustisia di Parlamento ku bishita di trabou na Marine Kazèrne Suffisant.

Willemstad- Den e kuadro pa tin mas interkambio di informashon i asistensia di Parlamento, kaminda ta nesesario, den e kadena hudisial, dia 3 di sèptèmber 2018, Komishon Fiho di Hustisia di Parlamento a hasi un bishita di trabou na Marine Kazèrne na Suffisant. E miembronan di Parlamento a interkambiá ku e team di maneho enkuanto e trabounan diario ku ta tuma lugá na kazèrne. Temanan ku a bini dilanti durante e bishita di trabou aki tabata entre otro e vishon i mishon, e diferente areanan di trabou, e preparashon di militarnan i tambe e retonan riba diferente tereno tantu sosial komo hurídiko tantu ku e team di maneho tin ku atendé kuné diariamente. Ademas e koperashon e diferente organisashon den e kadena hudisial tantu lokal komo internashonal ku e meta pa tin resultadonan mas efisiente na fabor di nos komunidat tambe a keda debidamente trata. Plannan pa futuro tantu riba término korto, mediano i término largu tambe a bini na orden di dia. Na siere di e bishita komishon a presensia un simulashon kon militarnan ta asistí kuerpo polisial ora kontrolnan riba nos kareteranan ta tuma lugá. Un mainta di diálogo i interkambio sumamente informativo i fruktífero pa ámbos banda. Komishon ta gradesí team di maneho di Marine Kazèrne Suffisant pa nan disponibilidat i ta gradesido pa nan aporte pa hasi nos pais mas sigur.

Advertisements
%d bloggers like this: