Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Kaso AVA-Air

Kaso AVA-Air

AVA-Air a bolbe start un kampaña pa daña nòmber di Suzy Römer por medio di Abogado Peterson. AVA-Air ta pretendé ku den pasado sr. Heerenveen (Inselair) lo a manda Suzy Römer un email, alegando ku ‘Maria’ lo a palabra ku sr. Heerenveen pa AVA-air no haña e ‘kos’ ei, i pa bisa ‘Suzy’ pa traha riba e ‘kos’ pa Osar(sr. Derby, eks-direktor di Curacao Aviation Authority). Ademas sr. Heerenveen lo a manda un di dos email pa sr. Derby, pa bis’e ku ‘Suzy’ lo ‘take care of everything’.

Suzy Römer nunka a risibí e supuesto e-mail aki di parti di sr. Heerenveen.  E momentu ku e akusashon aki a bin dilanti den pasado dor di AVA Air/sr. Olivier Arrindell, Minsiter Römer a entregá mes ora keho na tantu polis komo na Ministerio Públiko i a pidi pa hasi investigashon riba e email i kontra difamashon di su persona. Tambe sra. Römer a entregá un di dos keho pa falsifikashon di dokumento di parti di sr. Olivier Arrindell/AVA air. Ministerio Públiko a manda kontesta despues di tempu, ku nan no tin sufisiente hende pa investigá e dos kasonan aki.

E tipo di akshonnan aki di AVA Air/ Olivier Arrindell/ Abogado Peterson ta akshonnan dirigí pa destabilisá gobièrnu,  i ku e meta pa daña nòmber di e Minister i di gobièrnu.

Pa informashon, ta bon pa bisa ku dos minister promé ku sra. Römer no a duna AVA air permit, i  tres minister despues di dje tampoko a duna pèrmit! Ta bon pa bisa tambe ku sra. Römer no a prolongá e kontrato di sr. Derby despues ku e termino di e kontrakto a kaba.

Simpelmente AVA Air no ta kúmpli ku eksigensianan pa un pèrmit pa aviashon.

E abogado ta konsiente di funshonamentu di lei den nos pais. Kaminda e sa ku e usando e argumento ‘hoge bomen vangen veel wind’, Korte Sivil no fasílmente ta tuma paso; i kaminda ku Ministerio Públiko ta usa e argumento ku e kasonan aki ‘no tin prioridat’ i no ta persigí e kaso.  Sin embargo, sra. Römer lo aserká un abogado den kurso di awe pa atendé e kaso.

Pueblo mester ta konsiente ku ultimamente varios akusashon infundá ta lanta kabes (atrobe) i ku tur e tipo di akshonan aki di parti di sierto individuonan ta pa kita atenshon di e asuntunan urgente di pais ku ta rekerí atenshon full di kabinete i mandatarionan.

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: