Advertisements

Festival di Tumba Hubenil 2019 Inskripshon a habri !!

Festival di Tumba Hubenil 2019

Inskripshon a habri !!

Fundashon JAG i Fundashon Alélimo ta kla pa start ku temporada di preparashon pa Festival di Tumba Hubenil 2019.

Ta konosí ku Fundashon JAG ta na enkargo di organisashon di Karnaval 2019, loke ta enserá tambe Festival di Tumba Hubenil. Riba petishon di Fundashon JAG, ku plaser Niata Augusta ta hinka su skouder atrobe bou di e festival pa hóben, e biaha akí un biaha mas huntu ku Fundashon Alélimo.

E aña akí, ku un tim dinámiko di kolaboradó, Fundashon Alelimo lo prepará e hóbennan debidamente pa kompetí na Tumba Hubenil 2019. Inskripshon ta tuma lugá trempan, di moda ku por duna e mucha-/ hóbennan debido preparashon, ku diferente tayer di vários disiplina.

Ta habri mesora inskripshon pa hóbennan ku tin abilidat di skirbi i ku ta interesá pa komponé tumba di karnaval pa mucha / hóben. Pa nan Fundashon Alélimo lo organisá tayer di guia pa skirbi tumba. Tin hopi hóben ku talento riba vários tereno artístiko. Ku guia i preparashon korekto nan tambe ta haña chèns di lusi.

Hei, hóben!
Bo ke ta un embahador di Tumba Hubenil? Bo por i ke kanta tumba i tin entre 9 pa 15 aña di edat? Bo ke risibí formashon artístiko?
Bo por i ke skirbi tumba i tin 15 aña bai ariba?

Inskripshon pa partisipá na Tumba Hubenil 2019 a habri!
Inskribí awe mes òf puntra pa mas informashon via:
• tumbahubenil2019@gmail.com òf
• facebook: Tumba Hubenil 2019 òf
• telefòn : +5999 540-0826

Inskripshon lo sera ofisial dia 23 di sèptèmber. Komuniká ku nos pa mas informashon.

Nos ta warda bo.

Advertisements
%d bloggers like this: