Advertisements

Reunion públiko riba kosto i gastunan di operashon di un barku kumpra pa garantisá benta di Jetfuel ku awor pa medio di un márgen di ganashi na Curoil Gobièrnu ta obligá Pueblo di Kòrsou supsidiá esaki bek pa medio di oumento di tarifa di AWA, KORIENTE, DISEL I GASOLIN i maneho general di e kartera di Ekonomia.

Na: Presidente di Parlamento

Señor  W. Millerson

Wilhelminaplein # 4

PRESENTE

 

Tópiko: Reunion públiko riba kosto i gastunan di operashon di un barku

kumpra pa garantisá benta di Jetfuel ku awor pa medio di un márgen di

ganashi na Curoil Gobièrnu ta obligá Pueblo di Kòrsou supsidiá esaki bek

pa medio di oumento di tarifa di AWA, KORIENTE, DISEL I GASOLIN i

maneho general di e kartera di Ekonomia.

Sr. Presidente

Frakshon di Movementu Futuro Kòrsou (MFK), pa medio di anunsio di Gobièrnu emití na medionan di prensa anunsiando kambionan di tarifa di AWA, KORIENTE, DISEL i GASOLIN a tuma nota ku e sobr’e karga e tarifanan ku un oumento di márgen di ganashi pa asina duna Curoil entradanan.

Ku esaki awor Pueblo di Kòrsou ta supsidiá un aktividat komersial di Curoil ataves di preis di Awa, Koriente, Disel i Gasolin pa asina por kubri e gastunan eksorbitante di operashon di e barku kumpra pa garantisá benta di Jetfuel.

Pa e motibu ariba menshoná, Frakshon di MFK ta pidi Presidente di Parlamento pa yama un reunion públiko konforme artíkulo 64 di nos Reglamentu di òrdu riba e tópiko aki i invitá Minister di Ekonomia, Sr. I.S. Martina ku a presentá e subida di márgen di ganashi aki na Gobiernu den e reunion semanal di 29 di ougùstùs 2018 di Konseho di Minister.

Reunion públiko riba kosto i gastunan di operashon di un barku kumpra pa garantisá benta di Jetfuel ku awor atraves di un margen di ganashi

 

Atentamente,

________________                ________________                ________________

Gerrit Schotte                          Gilmar Pisas                             Gilbert Doran

 

Advertisements
%d bloggers like this: