Advertisements

Pronóstiko di tempu pa Kòrsou i bisindario bálido te djaweps atardi 18:00 o.l, 6 di sèptèmber 2018.

Pronóstiko

Pronóstiko di tempu pa Kòrsou i bisindario bálido te djaweps atardi 18:00 o.l, 6 di sèptèmber 2018.
Kompilá: djárason 5 di sèptèmber 2018, 17:00 o.l. (21:00 UTC)

Tempu: Parsialmente nublá ku chèns pa un áwaseru pasahero den oranan di mainta.

Temperatura máksimo lo alkansá 33 ºC i temperatura mínimo 27 ºC.
Solo ta sali 06:25 i ta baha 18:43 o.l.

Bientu: For di direkshon generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Debesenkuando fuerte den ráfaga; forsa 6 (40 te 50 km/ora, 22 te 27 nudo).

Situashon general: Durante próksimo 24 ora lo no tin kambionan signifikante den e tipo di wer ku tin aktualmente riba nos region, i un tempu generalmente seku lo prevalesé. Sinembargo, durante oranan di mainta temporalmente nubia lo oumentá i lokalmente esaki nan lo por okashoná un áwaseru pasahero riba Kòrsou.

Kondishon di laman: Moderá riba laman habrí ku altura di ola entre 1 i 1.5 meter (3 i 5 pia).

Sistemanan signifikante di wer tropikal: Orkan Florence ta move nortwèst riba Osean Atlántiko i lo pasa e próksimo dianan na un distansia salvo for di Laman Karibe. Depreshon tropikal Gordon ta sigui move riba tera i lo sigui debilitá. Ningun di e dos siklon nan aki ta un menasa pa Kòrsou.

Fenómeno spesial: Ningun.

Pèrspektiva te djabièrnè atardi: Parsialmente nublá i ku chèns pa áwaseru lokal den oranan di mainta.

Meteorólogo: Abraham.

E próksimo boletin di tempu lo wòrdu publiká djaweps 06:00 o.l. (10:00 UTC).

Advertisements
%d bloggers like this: