Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

NOS SELEKSHON NASHONAL LO ENFRENTÁ GRENADA DIA 10 DI SÈPTÈMBER DEN STADION ERGILIO HATO! TRAINING NAN A KUMINSÁ!

NOS SELEKSHON NASHONAL LO ENFRENTÁ GRENADA DIA 10 DI SÈPTÈMBER DEN STADION ERGILIO HATO!

TRAINING NAN A KUMINSÁ!

Preparashonnan ta kontinuá pa e enkuentronan di nos selekshon nashonal durante e promé buèlta di Nations Leaugue organisá pa CONCACAF. Ayera nos hungadónan residensiá den eksterior a yega Kòrsou p’asina djòin ku e hungadónan lokal pa trainingnan kuminsá.

Awe mes nos selekshon ta tin 2 seshon di training ku a kana hopi bon. Tur esaki komo preparashon pa nos promé kompromiso kaminda nos selekshon lo enfrentá e selekshon di Grenada, djaluna 10 di sèptèmber próksimo den Stadion Ergilio Hato pa 8’or di anochi.

Esaki, e promé di un seri di 4 wega ku lo tuma lugá aki na Kòrsou pero tambe den eksterior.

Skema di weganan di nos selekshon durante Nations League:

 

  Fecha Wega Lugá
1 10 sèptèmber 2018 Kòrsou vs Grenada Kòrsou (SDK)
2 12 di òktober 2018 U.S. Virgin Islands vs Kòrsou Tampa
3 19 di novèmber 2018 Kòrsou vs Guadeloupe Kòrsou (SDK)
4 25 di mart 2019 Antigua & Barbuda vs Kòrsou Antigua & Barbuda

 

Karchinan pa e weganan aki na Kòrsou ta disponibel pa un òf pa ámbos partido na FFK bou di ora di ofisina, Botika Mampuritu, Beep Beep, 4th of July snèk na Barber, pòmp di gasolin Santa Maria, serka Sport Spot Boutique & More na Santa Maria pegá ku trùk di pan Komelon i na Restorant Trafasie pegá ku Don Bartolo.

 

E preisnan pa e diferente paketenan pa sekshonnan ta lo siguiente:

  • VIP ta kosta Fl.250,- pa ámbos partido i Fl.150,- pa un partido (inkluso konsumo);
  • Bou di tribunanan kubrí ta Fl.50,- pa ámbos partido i Fl.30,- pa un partido
  • Tribunanan no kubrí ta Fl.30,- pa ámbos partido i Fl.20,- pa un partido
  • Mucha te ku 12 aña ku 60+ ta paga Fl. 15,- pa ámbos partido i Fl.10,- pa un partido den sekshon general

 

Ainda nos tin algun di suèter di kolekshon nobo di nos selekshon nashonal ku ta Nike original na balor di Fl.75,- i nos a sobra e famoso shalnan di nos selekshon na balor di Fl.25,-.

Ámbos optenibel na FFK bou di ora di ofisina.

Pasa buska di bo pa asina bo bin sostené i apoya nos hungadónan.

 

Nos ta topa 10 di sèptèmber den SDK pa 8’or di anochi,

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: