Advertisements

KOMUNIKADO DI KUERPO POLISIAL KORSOU Tiramentu ku un morto i un herido.

KOMUNIKADO DI KUERPO POLISIAL KORSOU

372 / 2018

6 sèptèmber 2018

Tiramentu ku un morto i un herido.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

 

Djaweps 6 di sèptèmber 2018, alrededor di 16.42 or, Sentral di Polis a risibí notifikashon di un kaso di tiramentu ku a tuma lugá den área di Santa Rosa na altura di e Sentro di Bario.
E promé unidat ku a yega na e sitio a bin topa un hòmber ku no tabata duna señal di bida benta abou na suela banda di un outo na e banda di okupante. Den e outo tabatin un dama ku herida di bala na parti di su kabes. For di un investigashon preliminar ku polis a realisá na e sitio a resultá ku e dos (2) personanan aki tabatin problema relashonal. Na momento di e tiramentu nan tabata dilanti di un krèsh kaminda nan yunan ta keda. Probablemente
despues di un diskushon e hòmber mester a tira e dama ku e konsekuensia ariba
menshoná. Despues di su akto el a tira su mes den kabes.
Ambulans a transportá e dama víktima di 25 aña di edat pa poliklínika di SEHOS pa
tratamentu médiko. Despues di tratamentu el a keda interná den unidat di kuido intensivo.
Dòkter di polis ku a akudí na e sitio a konstatá morto di e hòmber, Albarey Rogelio Rifaela, nasé na Kòrsou, 12 oktober 1986. Na e sitio polis a haña i konfiská un revòlver i algun artíkulo ku ta di importansia pa e investigashon.
Siguiendo ku e investigashon polis a hasi un entrada hudisial na kas di e defuntu. Aki tambe a konfiská artíkulo ku ta di importansia pa e investigashon.
E investigashon den e kaso aki ta kontinuá.

 

Advertisements
%d bloggers like this: