Advertisements

KOMUNIKADO DI KUERPO POLISIAL KORSOU Tiramentu ku morto.

KOMUNIKADO DI KUERPO POLISIAL KORSOU


370 / 2018


6 sèptèmber 2018


Tiramentu ku morto.


Departamentu di Komunikashon i Prevenshon


KUERPO POLISIAL KÒRSOU SIRBI I PROTEHÁ


Djárason 6 di sèptember 2018, alrededor di 02.58 or di mardugá, Sentral di Polis a risibí
notifikashon di un kaso di tiramentu ku a tuma lugá na un kas den Makreelstraat.
Na e sitio polis a haña un hòmber drumi den un sofá den su balkon ku varios perforashon di
bala. Por a mira ku e víktima tabatin herida di bala na e parti ariba di su kurpa.
For di un investigashon preliminar ku polis a realisá na e sitio a resultá ku un ratu promé un
outo a pasa basha bala i a sigi kore bai.
Alrededor di 04.20or dokter di polis a konstatá morto di e hòmber víktima , Dudmar Anwar
Brezhnev Wilsoe, nasé na Kòrsou, 31 oktober 1982. Na e sitio polis a haña i konfiská
kashinan di bala.
Riba òrdu di Fiskal di Ministerio Públiko a konfiská e kurpa sin bida pa mas investigashon.
Motibu di e tiroteo aki te na e momentunan aki ta deskonosí i ta den investigashon.
Kuerpo Polisial ta hasi un yamada na komunidat, pa kualke siudadano ku tin informashon ku por kontribuí na solushon di e kaso aki, pa tuma kontakto ku polis na 917, 24 ora pa dia òf 108 kaminda bo anonimidat ta keda garantisá.

 

Advertisements
%d bloggers like this: