Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Reflektor i dots na altura di subida di seru na Parera

Reflektor i dots na altura di subida di seru na Parera

 

Willemstad – Servisio pa Obra Públiko (OW) resientemente a tuma diferente medida entre e lusnan di tráfiko riba Schottegatweg Zuid for di Nightingaleweg te na Presidente Rómulo Betancourt Boulevard na Parera. Esaki ta parti di e tantísimo trabounan ku OW, riba petishon di Minister Jesus-Leito, a bin ta hasi pa alsa seguridat den tráfiko na Kòrsou.

 

OW a konstatá ku durante wikènt tin diferente aksidente na e sitio aki i ta topa vangrail dobla, bòrchinan di tráfiko i dal, ets. Pa e motibu aki, OW a asentuá e liñanan riba kaminda poniendo reflektor (‘cat eye’) i ‘dots’.

 

‘Dots’ ta pa guia e outomobilista di dia i ta funshoná komo medio pa atvertí e outomobilista ora ku e krusa drenta otro via. E reflektornan ta pa guia e outomobilista anochi mirando ku e ta iluminá /aksentuá e liñanan marka riba kaminda. A pone reflektor na e rant robes, pero na rant drechi no a pone pa laga espasio pa siklistanan ku por hasi uso di e kaya aki. Tambe a pone bòrchinan iluminá ku ta indiká e outomobilista ku tin un bògt.

 

Den pasado a laga ‘raspa’ e kaya aki pa asina evitá ku vehíkulonan ta slep di un via pa otro ora ku subi e seru ku velosidat haltu, òf ora ku áwaseru ta kai. OW ta konfia ku esaki ta yuda baha aksidentenan na e sitio aki.

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: