Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Orashon djaluna 3 di sèptèmber 2018

Orashon djaluna 3 di sèptèmber 2018

Hesus a bai Nazarèt, kaminda El a lanta komo mucha, i riba sabat El a bishitá snoa manera kustumber. El a lanta para pa E lesa Skritura. Nan a dun’É e ròl di buki di profeta Isaías pa lesa. Hesus a habri e ròl di buki i a haña e troso ku ta bisa:
‘Spiritu di Señor ta riba Mi,
p’esei El a ungí Mi
pa anunsiá e bon notisia na pobernan.
El a manda Mi proklamá libertat pa prezunan;
bista pa siegunan;
i pa esnan oprimí, libertat.
Mi mester anunsiá e era di Señor su grasia.’
Hesus a lora e ròl ser’é bèk, dun’é na e asistente di snoa i kai sinta. Tur hende den snoa a keda ku nan bista fihá riba djE. E ora ei El a kuminsá papia ku nan; El a bisa: ‘Awe e palabranan ku boso a tende, a keda kumplí.’ Tur hende a ekspresá ku nan tabata di akuerdo kunÉ; nan a keda asombrá di tende e palabranan bunita ku Hesus tabata papia i nan a bisa: ‘N’ ta Hesus, yu di Hosé, esei ta?’ Hesus a deklará: ‘Sigur boso lo bisa Mi: “Dòkter, kura bo mes antó!” Tambe boso lo bisa: “Nos a tende tur e kosnan ku Bo a hasi na Kafárnao, hasi e kosnan ei aki den bo mes pueblo, no!” ’ El a sigui bisa nan: ‘Mi ta sigurá boso: Ningun profeta no ta bonbiní den su mes siudat. Mi ta bisa boso: Enberdat tabatin hopi biuda na Israel den tempu di Elías, tempu áwaseru a stòp di kai pa tres aña i mei i un hamber grandi a plama rònt pais. Tòg no a manda Elías serka niun di nan, ma serka un biuda di e pueblo Sarfat na Sidon. Tambe tabatin hopi leproso na Israel tempu di profeta Eliseo. Niun di nan no a kura, ta e sirio Naaman sí a haña su kura.’ Ora nan a tende loke Hesus a kaba di bisa, e hendenan den snoa a bira furioso. Nan a bula lanta kohe Hesus tene, sak’É fo’i siudat i hib’É riba kabes di e seru, kaminda a traha nan siudat. Nan ker a bent’É for di e subida, ma Hesus a kana pasa meimei di e multitut, bai.
Lukas 4:16-30
Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: