Advertisements

Orashon djadumingu 2 di sèptèmber 2018

Orashon djadumingu 2 di sèptèmber 2018

Algun fariseo i dòktor di lei ku a sali for di Herusalèm a bini huntu serka Hesus. Nan a ripará ku algun di su disipelnan tabata kome pan ku man impuru, esta sin laba man promé. Ta asina ku ni e fariseo ni e otro hudiunan no tabata kome sin laba man na un manera adekuá promé; nan tabata atené nan na tradishon di nan antepasadonan. Ora sali marshe, nan no tabata kome sin baña promé i asina tin hopi otro kos mas ku nan tabata atené nan n’e pa motibu di tradishon, manera: labamentu di kòpi, kanika, wea di koper, i labamentu di nan kama di habri abou.
E fariseo i dòktornan di lei a puntra Hesus: ‘Pakiko bo disipelnan no ta tene nan na tradishon di nos antepasadonan? Nan ta kome pan ku man impuru.’ El a kontestá: ‘Hipókritanan, profeta Isaías a deskribí boso bon bon ora el a bisa, manera ta skibí:
E pueblo akí, Dios ta bisa, ta alabá Mi ku nan boka so,
ma den nan kurason nan ta leu fo’i Mi.
Nan adorashon no ta sirbi pa nada;
nan doktrina no ta nada mas ku tradishon di hende.
Boso ta rechasá lei di Dios i ta atené na tradishon di hende.’Tin manuskrito ku ta añadí: labamentu di kanika i kòpi; i boso tin hopi di e kosnan akí ta hasi.
Hesus a bolbe yama e hendenan huntu i bisa nan: ‘Boso tur skucha Mi i komprondé Mi. Nada ku drenta kurpa di un hende no por hasié impuru, ma loke ta hasié impuru ta loke ta sali for di dje.’ 
Ta for di paden, for di kurason di hende ta sali: pensamentu malu, inmoralidat, ladronisia, matamentu, kibramentu di fidelidat di matrimonio, avarisia, malisia, engaño, un bida parotin, envidia, papia riba hende, orguyo, i falta di sabiduria. Tur e kos malunan akí ta sali for di paden di un hende i ta nan ta hasié impuru.’
Marko 7:1-8, 14-15, 21-23
Advertisements
%d bloggers like this: