Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Orashon djabièrnè 31 di ougustus 2018

Orashon djabièrnè 31 di ougustus 2018

Ora ku e kosnan akí pasa, por kompará reino di Dios ku lo siguiente. Dies hobensita a kohe nan lampi pa bai kontra ku e brùidehòm. Sinku di nan tabata sabí i e otronan tabata bobo. E bobonan a bai ku nan lampi wèl, pero nan no a bai ku zeta èkstra. E sabínan sí a bai ku un butishi ku zeta èkstra huntu ku nan lampi. Komo ku e brùidehòm a tarda pa yega, nan tur a kuminsá kabishá i a pega soño. Tabata meimei anochi kaba, ora ku un hende a grita: “Ata e brùidehòm aki, bin kontr’é!” Tur e hobensitanan a lanta i a kuminsá prepará nan lampi. E bobonan a bisa e sabínan: “Duna nos un tiki di boso zeta; nos lampinan ta serka di paga.” E sabínan a kontestá nan: “Nos no por duna boso; no tin sufisiente zeta pa nos tur haña. Mihó boso bai kumpra zeta pa boso mes serka e bendedónan.” Ora ku nan a bai, e brùidehòm a yega. Esnan ku tabata kla, a drenta huntu kuné pa selebrá fiesta di kasamentu. Porta a sera. Despues e hobensitanan bobo a yega i a grita: “Señor, señor! Habri porta pa nos!” Ma e brùidehòm a kontestá: “Mi ta sigurá boso: Ami no konosé boso!”
Hesus a sigui bisa: ‘Sea alerta antó, pasobra boso no sa, ki dia esei lo sosodé.
Mateo 25:1-13
Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: