Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

BYOF TA KONTENTU KU SU PROME KONFERENSIA DI LIDERASKO; TIN UN LIDER DEN BO

BYOF TA KONTENTU KU SU PROME KONFERENSIA DI LIDERASKO; TIN UN LIDER DEN BO
 
Kralendijk – Djasabra mainta 25 di ougùstùs 2018, BYOF tabatin un sala yen di lider ku a
partisipá na nos promé konferensia di liderasko aki na Boneiru.
 
E konferensia aki tabata un eksito. Nos sala a yena ku lastimamente nos mester a sera nos
registrashon. E dia aki tabata habrí pa tantu hóben komo adulto i tabata pa e persona ku ta
diskubriendo e lider ku tin den dje i tambe e lidernan ku ya ta funshonando komo lider den nos
komunidat. Kada partisipante a keda inspirá, ekipá i retá pa sigui desaroya nan mes. Nos ta kere ku si
kada lider aki na Boneiru kontinuamente desaroyá su mes, henter nos komunidat lo benefisiá di esaki.
 
BYOF ta gradisí e oradornan; Erald van de Ridder di ‘CLC Den Haag’, Michael Pocornie di ‘Consius
Talks’ i nos direktor statutario Dennis Martinus ku a duna seshonnan inspirativo, yená ku reto i ‘tools’ pa
asina kada partisipante por diskubrí, keda desaroyá i apliká nan liderasko.
 
Nos kier a tuma e oportunidat tambe pa gradisí esnan ku a invertí den, i stimulá nos konferensia; ku ta
Terramar Luxury Appartments, Avis Bonaire, Alfa & Omega, Kas di Orashon, Panaderia Seruva i
Roëlton Thodé Photography medionan di prensa i tur otro persona i organisashon ku a koperá pa hasi e
konferensia posibel.
 
BYOF ta kere den forma lidernan di mayan ku lo sòru pa un bon futuro pa nos isla.
 
Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: