Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Orashon djarason 29 di ougustus 2018

Orashon djarason 29 di ougustus 2018

A sosodé ku Heródes mes a manda kohe Huan prezu pa motibu di Heródias, señora di su ruman hòmber Filipo; t’asina ku Heródes mes a kasa ku Heródias. Huan tabata bisa Heródes kada be: ‘No ta pèrmití biba ku kasá di bo mes ruman.’ P’esei Heródias a haña rabia riba Huan; e tabata deseá di laga mat’é, ma e no tabata por, pasobra Heródes tabatin rèspèt di Huan. Komo e tabata haña Huan un hòmber santu i hustu, e tabata proteg’é. E tabata gusta tende Huan papia, ounke ku kada be ku e tend’é, e tabata bira hopi inkieto.
Riba un dia Heródias a haña su chèns. Dia Heródes a hasi aña el a tene un komementu pa su dignatario, ofisial altu i e hendenan importante di Galilea. E yu muhé di Heródias a drenta presentá un baile ku a deleitá Heródes i su invitadonan. E ora ei Heródes a bisa e hobensita: ‘Lo mi duna bo kiko ku bo pidi mi.’ Ku mashá huramentu Heródes a sigui insistí: ‘Tur loke bo pidi mi, asta si ta mitar di mi reino mes bo ke, lo mi duna bo.’
E hobensita a sali bai puntra su mama kiko asina lo e por a pidi Heródes. E mama a kontestá: ‘Bis’é bo ke kabes di Huan Boutista.’ E mucha no a pèrdè pa gana, purá el a bai bisa rei: ‘Mi ke pa awor akí mes bo duna mi kabes di Huan Boutista riba un skalchi.’ Heródes a bira tristu, ma e ker a kumpli ku su palabra pasobra el a hura dilanti di su invitadonan. Inmediatamente rei a manda un burdugu prizòn pa trese kabes di Huan Boutista. Despues ku e burdugu a kap kabes di Huan kita afó, el a trese e kabes riba un skalchi i a pas’é pa e hobensita ku na su turno a duna e mama e. Ora e disipelnan di Huan a haña sa kiko a pasa, nan a bai kohe su kadaver i der’é.
Marko 6:17-29
Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: