Advertisements

Curaçao Tour Operators Association:TURISMO NO POR RISIBI MAS ATAKE

TURISMO NO POR RISIBI MAS ATAKE

Pa medio di e komunikado aki Curaçao Tour Operators Association ke manifestá públikamente su rechaso pa e echonan resientemente akontesí unda a violentá propiedat di Boasse Resort, kual sin duda ta un akto deplorabel unda nos por a mira siudadanonan supuestamente den búskeda di kumplimiento di legalidat, en bes di kana e kaminda hurídiko, ta sinti nan mes ku e autoridat pa imponé nan kriterio a base di agredí, insultá, invadí propiedat, ku no ta di nan, aparentemente sin ningún otro meta ku krea sosobra den komunidat i promové deskontento. Tur esaki leu di juda solushoná un supuesto problema, ta un forma di  kousa daño na nos turismo i nos ekonomía, kreando un klima di deskonfiansa, unda leu di trese nos mas serka di nos metanan pa mira Curaçao prosperá den áreanan unda nos tin mas tantu oportunidat manera esaki (Turismo), pues ta hiba nos mas leu di nos meta. Nos ta mira kon un grupito di hende ku pashon desmedí ta pone den riesgo stabilidat i perhudiká henter nos komunidat. Lástima ta ku sentimentunan di rabia, di frustrashón i di manipulashón, ta mustra e kara más tristu di un país ku nos ta mira komo un hoya den Caribe, unda si nos tur ku en berdat ta “stima” e país en bes di perde tempu tumando lei den nos man sin kana e kaminda korekto, ta pasombra nos intenshonan esensialmente tampoko no ta korekto. Nos ta kombidá tur Curasoleño ku ke mira Curaçao bai dilanti, pa rechasá tur tipo di akto di agreshón ku no ta trese nada otro ku divishón, deskonfiansa i atraso. Den sektor di transporte nos tambe tin hopi reto, hopi kosnan ku mester di urgente atenshón pero nos ta kere riba e ruta di diálogo i legalidat pa por salvaguardá no solamente nos interesnan pero di tur nos usuarionan tanto lokal komo turista. Finalmente nos ke aklará ku esaki ta un posishón imparsial pa ku e parti nan evolví pero ku sí ta buska jama na un reflekshón pa asina evitá ku echonan asina aki por ripití.

 

Kordialmente,

Lic. Juvira Briceño Reyes

Presidente

 

Advertisements
%d bloggers like this: