Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

NOS SELEKSHON NASHONAL LO ENFRENTÁ GRENADA DIA 10 DI SÈPTÈMBER DEN STADION ERGILIO HATO! E 23 NÒMBERNAN YA TA KONOSÍ!

NOS SELEKSHON NASHONAL LO ENFRENTÁ GRENADA

DIA 10 DI SÈPTÈMBER DEN STADION ERGILIO HATO!

E 23 NÒMBERNAN YA TA KONOSÍ!

 

 

Preparashonnan ta kontinuá pa loke ta trata e kompromisonan di nos selekshon nashonal durante Nations League. Nations League organisá pa CONCACAF, ta un kampionato ku ta konta ku partisipashon di 41 pais. Nos lo tin 2 enkuentro aki na Kòrsou i 2 otro partido ku ta tuma lugá den eksterior ku ta kompletá un seri di 4 wega bálido pa e promé buèlta di Nations League.

Manera ya ta konosí dia 10 di sèptèmber próksimo nos selekshon nashonal lo enfrentá Grenada durante nos promé enkuentro bálido pa e kampionato di Nations League. Despues nos selekshon lo topa U.S. Virgin Islands durante nos segundo enkuentro. E partido aki ta tuma lugá dia 12 di òktober na Tampa. Nos di 3 enkuentro lo ta kontra Guadeloupe aki na Kòrsou dia 19 di novèmber próksimo i e último partido di nos selekshon di e promé buèlta di Nations League lo ta 25 di mart 2019 kontra Antigua & Barbuda na Antigua & Barbuda.

Despues di a sondiá diferente hungadó ku ta residensiá afó ku ta militá den ekiponan eksterior i tambe nos hungadó nan lokal, áktivo den Liga MCB, nos entrenadó Sr. Remko Bicentini huntu ku su staf a yega na e lista definitivo di e hungadó nan ku lo partispá na e partidonan aki.

 

E siguiente hungadónan a keda selekshoná pa forma parti di nos selekshon ku lo mira akshon durante e kampionato di Nations League;

 

  1. Eloy Room (PSV)
  2. Shanon ‘Cheese’Carmelia

(Ijsselmeervogels)

  1. Elson ‘Sontje’ Hooi (Ado Denhaag)
  2. Leandro Bacuna (Reading)
  3. Suently Alberto (Sparta)
  4. Rhu-Endly ‘Cuco’ Martina (Stoke City)
  5. Reangelo Janga (Astana)
  6. Ayrton Statie
  7. Gevaro Nepomuceno (Oldham Athletic)
  8. Darryl Lachman (PEC Zwolle)
  9. Jarchino Antonia (Omonia Nicosia)
  10. Shermaine Martina (MVV)
  11. Shermar Martina (MVV)
  12. Charlison Benschop (Fc Ingolstadt)
  13. Juriën Gaari (RKC Waalwijk)
  14. Jimbertson Vapor (Scherpenheuvel)
  15. Rowendy Sumter (Scherpenheuvel)
  16. Jarzinho Pieter (Centro Dominguito)
  17. Ruensly Leuteria (Undeba)
  18. Brandley Kuwas (Heracles)
  19. Quentin Martinus (Urawa Reds)
  20. Jurich Carolina (NAC)
  21. Jeremy de Nooijer (Sherrif Tiraspol)

 

E 2 partidonan ku ta hunga na Kòrsou lo tuma lugá den Stadion Ergilio Hato pa 8’or di anochi. Pronto e karchinan pa e weganan aki lo ta disponibel pa un of pa ámbos partido na e luga nan di kustumber.

 

E preisnan pa e diferente paketenan pa sekshonnan ta lo siguiente:

  • SEKSHON A: VIP ta kosta Fl.250,- pa ámbos partido i Fl.150,- pa un partido (inkluso

konsumo);

  • SEKSHON B: Bou di tribunanan kubrí ta Fl.50,- pa ámbos partido i Fl.30,- pa un

                          partido

  • SEKSHON C: Tribunanan no kubrí ta Fl.30,- pa ámbos partido i Fl.20,- pa un partido
  • SEKSHON D: Mucha te ku 12 aña ku 60+ ta paga Fl. 15,- pa ámbos partido i Fl.10,-

                          pa un partido den sekshon general

 

Ainda nos tin algun di suèter di kolekshon nobo di nos selekshon nashonal ku ta Nike original na balor di Fl.75,- i nos a sobra e famoso shalnan di nos selekshon na balor di Fl.25,-.

Ámbos optenibel na FFK bou di ora di ofisina.

Pasa buska di bo pa asina bo bin sostené i apoya nos hungadónan.

 

Reservá djaluna dia 10 di sèptèmber i 19 di novèmber pa bo ta den stadion Ergilio Hato komo e number 12 sosteniendo nos selekshon nashonal!

Nos ta topa!

27 ougùstùs 2018

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: