Advertisements

Programa di Urgensia huntu ku ministerionan SOAW i MEO ta entregá sertifikado na e promé 11 partisipantenan di “Ekonomia ta den nos Mes Man” 2018

Programa di Urgensia huntu ku ministerionan

SOAW i MEO ta entregá sertifikado na e promé 11 partisipantenan di “Ekonomia ta den nos Mes Man” 2018

WILLEMSTAD Djabièrnè último Programa di Urgensia, huntu ku ministerionan MEO i SOAW, a entregá sertifikado di partisipashon na e proyekto Ekonomia ta den nos Mes Man den Buena Vista. Promé Minister, sr. Eugene Ruggenaath i minister di desaroyo ekonómiko, sr. Steven Martina a entregá e sertifikado na e partisipantenan.

Un grupo di 11 partisipante a kuminsá i finalisá e proyekto Ekonomia ta den nos Mes Man den e bario di Buena Vista ku éksito. Durante e 10 seshonnan, e partisipantenan a siña tópikonan manera impuesto, atministrashon, aspektonan hurídiko i merkadeo. Esaki ta den kuadro di empoderá e habitante di bario pa formalisá su ideanan di tin su propio negoshi.

Ekonomia ta den nos Mes Man ta un proyekto ku a inisiá den ministerio di desaroyo ekonómiko, sektor empresarial i inovashon, pa stimulá e (mikro)empresario den bario. E grupo di enfoke ta personanan ku ta kana ku idea di habri un negoshi o ku ya ta hasiendo un ke otro negoshi di un forma informal kaba. E meta di e proyekto aki ta pa kapasitá empresarionan pa nan registrá, formalisá i desaroyá nan negoshi propio. Di e manera aki tambe lo kombatí pobresa, baha desempleo (bou di hóbennan), i duna impulso na nos ekonomia.

Na komienso di sèptèmber próksimo lo toka turno na e barionan di Montaña i Barber pa kuminsá ku e proyekto aki. Aña pasá Otrobanda tabatin e proyekto aki komo proyekto piloto i den kuadro di Programa di Urgensia pa mehorá kalidat di bida den bario, lo kontinuá ku aktividatnan di kapasitashon di mikro-empresario den e próksimo lunanan.

Palabranan di felisitashon na tur e kursistanan i éksito ku e plannan pa formalisá boso negoshi.

Athunto algun potrèt di e entrega di sertifikado di e proyekto Ekonomia ta den nos Mes Man den Buena Vista.

.

.

Advertisements
%d bloggers like this: