Advertisements

Orashon djasabra 25 di ougustus 2018

Orashon djasabra 25 di ougustus 2018

Hesus a bisa e multitut i su disipelnan: ‘E dòktornan di lei i e fariseonan ta sinta riba stul di Moises; nan tin outoridat ofisial pa splika lei di Moises. P’esei obedesé i sigui tur kos ku nan bisa, ma no hasi manera nan ta hasi sí! Pasobra nan mes no ta hasi loke nan ta bisa. Nan ta pone karga pisá i difísil riba lomba di hende, ma nan no ke saka niun dede pa yuda ku e karga. Nan ta hasi tur kos pa hende mira; mira kon hanchu nan kahitanan di orashon i kon largu e kuashinan di nan paña ta. Nan gusta haña e mihó lugánan na fiesta i e lugánan di honor den snoa; nan gusta pa hende kumindá nan ku rèspèt riba plasa i tambe pa hende yama nan “maestro”.
No laga niun hende yama boso sí “maestro”; ta ún maestro so boso tin i boso tur ta ruman. No ta yama niun hende riba mundu boso “tata” tampoko, pasobra ta e Tata den shelu so boso tin. Tampoko no laga niun hende yama boso “guia”, pasobra ta e Mesias so ta boso guia. Esun di mas importante meimei di boso, lo ta boso sirbidó. Ken ku alsa su mes, lo ta humiliá i ken ku humiliá su mes, lo ta alsá.
Mateo 23:1-12
Advertisements
%d bloggers like this: