Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Nkira Chippendale ta partisipá na Miss Universe Curaçao 2018

Nkira Chippendale ta partisipá na Miss Universe Curaçao 2018.

Manera hopi por a tuma nota, e konosido hóben kantante di 23 aña di edat, Nkira Chippendale, ta partisipá na e sertámen di Miss Universe Curaçao 2018.

Hopi ta esnan ku a keda sorpresá positivamente pa ku su partisipashon na e sertámen di beyesa aki.

Nkira, partisipante #5 den e kontienda aki, ta un kombinashon di lokual nan ta yama ‘beauty and brains’. Aktualmente Nkira ta den su terser aña di su estudio ‘Finansas’ (UoC) i e lo hasi su máksimo esfuerso pa por finalisá su estudio no opstante su talento i pashon pa ku e mundu farandulero i soñonan ku e kier mira kristalisá.

“Pa mi realmente ta un di mi reto i soñonan pa partisipá na Miss Kòrsou komo ku di e forma aki mi lo por representá mi pais afó. Kòrsou tin hopi potensial”, e ta bisa.

 

Advertisements
error: Content is protected !!
%d bloggers like this: