Advertisements

Fiskal di Ministerio Publiko (OM) Korsou a hasi un demanda awe mainta di 5 aña prison pa sra. N.G. (51 aña). 

Fiskal di Ministerio Publiko (OM) Korsou a hasi un demanda awe mainta di 5 aña prison pa sra. N.G. (51 aña). 
N.G. a atmiti den Korte ku el a estafa 20 persona i a kita mas o menos 100.000 florin for di nan, gañando ku e ta bende nan un kas ku no tabata su propiedat.
El a atmiti kulpabilidat i a pidi Wes yudansa pa su problema i el a bisa ku e ta dispuesto pa paga su viktimanan nan plaka bek.
Notabel ta ku mayoria di su viktimanan ta di komunidat Haïtiano na Korsou.
Riba e demanda di 5 aña tambe Fiskal a demanda pa e sinta 12 luna ku tabata kologa riba su kabes komo el a komete e estafa awor mientras ku e tabata den su periodo di prueba.
Tambe Fiskal a hasi demanda na Wes pa daño perhuisio di 83.000 florin ku e viktimanan ta eksihi bek.
Dus na tur, si ta na OM, N.G. tin ku keda será 6 aña. Raportnan sikiatriko, sikologiko i di Reclassering tabata klarito. E chens pa ripitishon pa komete estafa ta hopi grandi. Sikiater a yama sra. N.G. un dama “ziekelijk” i “leugenachtig”.
Ta trata, segun Fiskal, di un sospechoso ku no ta siña su les. For di 1992 e tabata na varios okashon den kontakto ku hustisia. Na 2009 i 2015 el a asta keda kondena na kastigu di prison pa estafa.
Advertisements
%d bloggers like this: